ديوان الشاعر فهد المساعد [الأرشيف] - شبكة ومنتديات قبيلة بني المنتشر الرسمية

عناقيد

04-18-2008, 04:10 AM

http://www.almusa3ed.com/fahad/data/thumbnails/album045ea17ed7.jpg http://www.almusa3ed.com/fahad/data/thumbnails/album8a6a4b4fe8.jpg http://www.almusa3ed.com/fahad/data/thumbnails/album79b66e2842.jpg http://www.almusa3ed.com/fahad/data/thumbnails/albumd70751141d.jpg

هذا الشاعر تعجبني معظم قصائده

السيره الذاتيه

البدايات لاتنسى .. تعيش في الذاكرة مثل الأحلام .. يقف الزمن عاجزاً أمام كبرياءها وشموخها وجبروتها فيتركها تعيش كما يحلو لها .. يقول فهد المساعد عن بداياته : " في مجلة فروسة وشعر وجدت نفسي أقرأ أسمي لأول مرة على صفحات الجرائد والمجلات .. حدث هذا عام 1999 م عبر قصيدة ( دفتر أوجاعي ) .. شعرت أنني أولد مرةٍ أخرى .. شعرت أكثر بإن نصف أحلامي تحققت .. لا أتذكر بالضبط لماذا أخترت تلك المجلة .. الذي أعرفه فقط أن كبار وعمالقة الشعر كانوا يتواجدون فيها .. أحتفلت بتلك القصيدة كما يحتفل الصغار بالحلوى وهدايا العيد .. فرحت بها كما يفرح الأطفال اليتامى بالأبتسامات الغريبة " .

يكرة فهد أن تطوى صفحة البداية عند هذا الحد .. لدية أقوال أخرى : " بعد مايقارب الأثنى عشر شهراً أستقبلتني فواصل .. فتحت لي قلبها المسكون بشهامة لن تصفها الكلمات .. كريمة مثل أصحابها .. حاتمية الطبع والتطبع .. قالت لي بلسان رجالها ( نحن الضيوف وأنت رب المنزل ) .. أعطيتها ( الطفل والمحارم ) ووقعت تحتها أسم فهد المساعد .. كأن الأقدار أرادت أن لايظهر هذا الأسم أول مرة الا في فواصل .. في فروسية وشعر كان الأسم فهد السبيعي " .

لماذا يخفي فهد المساعد أسم السبيعي الآن ؟ .. أي خوف يعتريه عن أبعاده ؟ .. أي ميزة يجدها من المساعد ؟

" ليس هناك شي يخفى .. المسألة غير خاضعة لقانون الخوف والأمان .. أفتخر بأسمي وأرفع هامتي إلى أعنان السماء لأنني أنتسب لقبيلتي ..القصة ان هناك شاعر آخر بدأ قبلي ينشر بنفس الأسم وأقصد فهد السبيعي وعندما خرجت ( دفتر أوجاعي ) للأضواء تذكرت بعد فوات الأوان أن الناس لاتعرفني .. بالتأكيد هي تعرف الشاعر فهد السبيعي .. من هنا خفت أن أظلمه .. خفت أن أظلم نفسي أيضاً .. خفت أكثر أن أضحك على الناس .. هذا كل شيء " .

يبتعد فهد عن الشعر حتى أشعار آخر .. يبتعد ليرتمي في أحضان الماضي .. شقاوات الطفولة .. جدران المدرسة : " وقفت في طابور الصباح أول مرة في حياتي داخل مدرسة الرمحية .. تعلمت القراءة والكتابة وأغتسلت روحي بعشق أصدقاء أجمل أيام العمر .. في الرمحية وبين حاراتها وتحت سماءها وفوق أراضيها وعلى سواليف شيوخها أنضميت - بلا ذنب أقترفته يداي - إلى أولئك الذين يتبعهم الغاوون فلقد كنت أهذي بكلمات موزونه سرعان ماأكتشف أنها الشعر"

ويستطرد " المتوسطة والثانوية في رماح .. هناك كانت حكايات أحلى .. في رماح كنت ألمس للحياة معنى آخر .. الأنسان حينما يتقدم به العمر يستمتع أكثر .. هذا هو سر الوجود .. بعد السنوات وجدت الأيام تعيدني للعاصمة هذه المدينة الصاخبة التي ولدت فيها وسمعت صرختي الأولى .. أعود أليها لكن هذه المره أعود بجرح لم يندمل بعد .. سيبقى جرحاً حتى يرث الله الأرض ومن عليها .. أنا أنتقل للرياض وأبي ينتقل إلى جوار ربه رحمه أرحم الراحمين وأسكنه مع الأنبياء والشهداء والصديقين .. أعود بعد رحلة 13 عام كانت كفيلة بزرع اليتم في ملامحي .. هذه المره عدت لأضع أقدامي في جامعة الملك سعود .. لم أستمر بالطبع .. تركت حلمي لأدخل معترك الحياه العمليه .. سرقتني السنين .. لكنها لم تسرق حلمي .. الآن أعود لمقاعد الجامعة بطريقة أخرى أظن وظني ليس أثماً أنها تتوافق مع هذا الزمن "

لايؤمن فهد بالإختصار .. يعتبره تجني على المستقبل .. يتفائل : "كيف تكون السيره الذاتيه مجرد تواريخ وأرقام ليس لها أي علاقة باليوم وغداً جئنا لنعيش مرةً واحدة .. مره واحده .. لو عرفنا معنى التجربة الوحيدة لأنتهت كل الأسئله .. أنها واحده فلماذا نضيعها بوقتٍ ذهب مع الريح ؟! .. لماذا نتحسر عليها ونبكي على أطلالها ؟! .. لماذا لانتعامل معها على طريقة أكون أو لا أكون .. إذا سألني أحد .. من أنت ؟ سأقول له .. جئت لأعيش مرةً واحده بقلم : الصحفي والكاتب الأستاذ/ صالح الخليف "

http://home.att.net/~scorh2/Heart1a2.gif

غمازتين وسله
أشتاق / لك
وأوقف على مطلع شعر قلته خبال وراق / لك
وأدوّرك
أنا أذكر أني قلت / لك
الشعر هذا مايليق ..
وجاوبت ِ : لكن لاق / لك

* * *

شيطانه أنتي
ماتحبي من بناتي الا بنتي اللي أنتي فيها بنتي
كم صار لك يابنتي
ماعاد بيّنتي
مدري ليه ! ..
يا أنتي كنتي منتي انتي يوم شفتك !
والا شفتك ..
يوم انتي منتي كنتي أنتي !

* * *

يا اجمل من عيون خل ٍ ينتظر خله
بغمازتين وسله
فيها سحاب وعيد
وطيور مبتله

* * *

آه لو تجي ..
تسقيني الحب الغزير
وأخذها بيديها وأطير ..
مدري لوين !؟
لكن أطير ..
ومتى ماينهكنا الهوى
أذوب وتذوب .. وتمرنا أسراب الغيوم
وأصير أنا غيمه
وتصير هي غيمه
وأسيل أنا فـ وادي
وتسيل في وادي
وأقول للمفرق :
محدٍ سأل عني أو مر من حولك
ويقول لي المفرق :
أسمع سراب أصوات فيها من هطولك
وأظنها كانت
لـ أهل ٍ ينادولك
وأصيح به : تكفى
يامفرق الوادي
أنا هنا مليت
مادلني أصحاب
ولا دلّني غادي
قبل انطفي وأجف
(خذني على بلادي)

http://home.att.net/~scorh2/Heart1a2.gif

تحت الارض احبك

مي هذي مثل طلّ الصبـح لأغصـان الحدايـق
يبتسـم قطـر الـنـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيـون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسـهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لـو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

http://home.att.net/~scorh2/Heart1a2.gif

صلاه وعناقيد

عدّى عمر .. ياليت الأعمـار تنعـاد
وأرجع بـلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركنـي مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انـه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يـا بـوي المواعيـد

بكيتـك لحالـي وأنـا كنـت معتـاد
تكف دمعي بـإيد وتضمنـي بـإيـد

كم كنت محتاجك تجي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص واحتياجـي لـك يزيـد

http://home.att.net/~scorh2/Heart1a2.gif

الحسد
الأصدقاء الأجمل ..لكم الحب والحب والحب إلى أن ترضوا ..
وبعد ..
أهديكم قصيدة كتبت في ظرف معيّن
كنت أعتبرها خاصه
لكن آمنت بأن الشعر مثله تماما مثل الإبتسامات العابره التي تستقر في ارواحنا وننسى الوجوه التي كانت تحملها
لذلك هي لكم ولي خصوصيتها :

الشعر أبوي .. ولا بعد قلت : لبيـه
إلا ل( بحّة وزنه ) و ( صوت قافـه )
ماقبلي أحد ٍ قد تربّـى علـى يديـه
ولاغيري أحد ٍ سْمْع صوتـه وشافـه
أغليه .. وأخافه .. وأحبّه .. وأداريه
وأخاف لاأفقد دهشتـي فأكتشافـه
على كثر ما أبيه وأتعب وأنـا أبيـه
ماقد شكيت لغيمته من جفافـه
إن ألتفت فـي حالـي .. الله يحييّـه
و إن ما ألتفت .. ما ألحقت عمري حسافه
ياما على غفلـه غرقـت فشواطيـه
وياما رمى في قاع صوتـي ضفافـه
وأمسيت أغني له .. وأشيله .. وأشاكيـه
كنّي مكوّم كل ماكان طافـه !
أحاول أقوى شي مانيب قاويه
وأحاول أقبل شي نفسي تعافـه
اسمع من هروج العتب والمسافيـه ..
مازوّد حمول التعب والمسافـه
ناس ٍ بلوني بالحسد والمشاريـه
مافيهم اللـي وسـط قلبـه مخافـه ..
لا .. والمصيبه .. ويش أنا منحسد فيـه ؟!
في الشعر , ودروب السهر , والكلافه !!
قولوا لذاك اللي ( سهادي ) على ايديه
وش جاه منـي ؟! لعنبوهـا ضعافـه
ان كان حاسدني على الشعر والتيـه !
يجي يبادلنـي .. وأخـط أعترافـه :
يعطيني راحة باله اللي تقدّيـه
وأيامه اللي ماتعرف الصلافـه
ونذر ٍ علي لأعطيه .. وأعطيه .. وأعطيه
حتى يملّ من الشعر والصحافه

http://home.att.net/~scorh2/Heart1a2.gif

الاسرار

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي
هذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . بـأموت في ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

http://home.att.net/~scorh2/Heart1a2.gif

المدينه والغريب

جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟

قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب

قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب

انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟

الهدايـا و الرسـايـل و المكاتـيـب الثميـنـه
والليالي و القمر و الريـح و الكـون الرحيـب

كل ما تبعد .. تجيب الشعـر ليـه مـن يدينـه
و تقعد جروحـي تـودي فالطواريـق و تجيـب

يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحـوح لينـه..
.. ياخذ لجرحي بثـاره مـن خطايـاك و يطيـب

و بعد هذا جـاي ترمـي ذنبـك بوجـه المدينـه
مـا دريـت ان المدينـه كلهـا شمعـة غريـب
http://home.att.net/~scorh2/Heart1a2.gif

سالفه عشاق

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجـاع .. وفـارق احبابـه شجـاع

http://home.att.net/~scorh2/Heart1a2.gif

صباح الخير يابلادي

مـع كـل نسمـة صبـاح أقـوم وأيـديّـه
ترفـع بعضهـا كـذا .. وأقـول وأنـادي
الله يـسـعـد صـبـاحـك يالسـعـوديـه
عسـاه والله صـبـاح الخـيـر يـابـلادي

***

يـــادروب الأرض لـعــنــاق الـسـمــاء
يـاجــداول مـــاء لـحـكـايــة ظــمــأ
يـالـكـلام الـلــي عـجـزنــا نـبـتـديـه

مــن يـقـول أنــك كـمـا غـيـثٍ هـمــا
أنـتــي لاقـبـلـك ولابـعــدك كــمــا ..
علميـنـا كـيــف نـلـقـى لـــك شـبـيـه

يابـلـدنـا ويـــن نـلـقـى لـــك شـبـيـه
فــي ومـيـض الـبـرق لاســال الغـمـام ؟!
فــي شـعـاع الشـمـس لاشــقّ الـظـلام ؟!
فــي أبتسـامـة شـايـبٍ صـلّـى ونـــام !
في المحبه .. في السماحه .. والا في معنى السلام !

يابلـدنـا صـعـب نـلـقـى لـــك شـبـيـه
وأنـتـي الـلـي لاذكـرنــا أنـــك بـلـدنـا
نــرتــبــك حــــــب وغـــــــلا
ونـتـلـعـثــم فــــــي الـــكـــلام

***

عــمــار يـــــادار الـســعــد
لا يـالـسـعـوديــه عـــمــــار
والله مـاقــبــلــك بــــلــــد
ووالله مــابــعــدك ديـــــــار
مـــادام أبـــو مـتـعـب ســنــد
الـحــر أبـــن نـســل الـحــرار
ايـــــوالله نـحــبــه عـــــدد
مـايـطــوي الـلـيــل الـنــهــار
والــكــل مــنّـــا لاســجـــد
يـقـولـهـا ســـــر وجــهـــار
أمــجــاد يــاوجــه الـســعــد
وعــمــار يــابــلادي عــمــار

***

يـــــــاوطــــــــنّــــــــا ..
يــاطــمــوح الـــلـــي تــمــنّــى
نـحـمـد الله يـــوم صــرنــا فــيــك ..
والا قــبــلــك كـــيـــف كـــنّـــا

يـــــــاوطــــــــنّــــــــا ..
يـالـنـخـيــل الـــلـــي تــثــنّــى
لــو بكـيـف الشـمـس ماخـلّـت يـديــك ..
ولاخـــذاهـــا الــلــيــل عـــنّـــا

يـــــــاوطــــــــنّــــــــا ..
أنـــــــــــت حـــــنّــــــا..
الـرجـال الـلـي بـطـهـر أرضــك تغـنّـى
والـبـنـات الـلــي يـنسـمـاتـك تـحـنّـى
ومــن تنـكّـر لــك تــرى مـاهـوب مـنّـا

***

وطنّا كثرة أحبابك تحيّـر والكـلام يطـول
ولكـن لاتغـرّك ياوطنّـا كثـرة أحبـابـك
بعض هالعالم يحبّك عشان النفط والبتـرول
وحنّا ننطح العالـم علـى ذرّه مـن ترابـك
لك الله ياوطنّا .. لابدا اللازم .. وطقّ الجول
نجـي وثيابنـا لعيونـك أكفـانٍ تغنّـابـك
نجي ماهمنّا الماضي ولاخفنا من المجهـول
نجي ونقـدّم المـوت بيدينـا قبـل نحيابـك

http://home.att.net/~scorh2/Heart1a2.gif

دمعه ملك

ياسيدي والقلب له صوت مسمـوع
الياتكلـم .. ينصـت الكـون كلـه

وقلوبنا يمكـن لهـا ثالـث أسبـوع
مافارقتها صورتـك فـي المجلـه

يوم أنها طاحت من عيونـك دمـوع
لعيون طفـل ٍ فـارق عيـون خلّـه

طفل الشهيد اللي على أبوه مفجـوع
أليـن شافـك ياضـمـاده وظـلـه

ثم أنفجر من صوته الغـظ ينبـوع
وغنّى " وطنّـا كلنـا فـدوة ٍ لـه "

قمت وحضنته كن ماحولك جمـوع
قاسمت حتى الطفـل دمـع ٍ يهلـه

يابو اليتامى كلنـا سمـع ٍ وطـوع
فـك غمرنـا يالحبيـب المـولـه

ودمعاتك اللي هزّت ضلوع وضلوع
أكبـر دليـل أن المحبـه مـن الله

يانبضنا اللي كم هدى بـأسمه الروع
ادربنـا اللـي نهتـديـه ونـدلـه

ياتاجنا اللي يودع الـراس مرفـوع
لغزنـا اللـي خفقـة القلـب حلـه

نهيم فيك هيام ونجـوع لـك جـوع
ياأصدق سبب لوجيهنـا المسفهلـه

حبك هنا بيـن المعاليـق مـزروع
تسقيـه غيمـة عطفـك المستهلـه

ربي يديمك يـاذرى كـل مفـزوع
ربـي يعينـك يابـو الشعـب كلـه

أقولها والقلب له صـوت مسمـوع
طلـق حجاجـك يالسنافـي وفلّـه

لك في يدين أطفالك ورود وشمـوع
في قلوبهـم لـك غيمـة ٍ مستتقلـه

ولك من زنود عيالك سيوف ودروع
الكـل منهـم ودّه أنــك تسـلّـه

آمر يابو متعب لك السمع والطـوع
لوودك نجيب البحـر مـن محلـه

ماهو كثير أن قلت يفدونك جمـوع
يـاالله عسانـا مــن فـدايـاك لله

اللي طفل من شعبه أصخى له دموع
ارواح شعبـه كلهـا فـدوة ٍ لــه

http://home.att.net/~scorh2/Heart1a2.gif

صالات المطار

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن

مرةٍٍ ركضـك يميـن و نظـرة عيونـك يسـار
و مرةٍٍ ركضك يسار و نظـرة عيونـك يميـن

تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيهـا حنـيـن

خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )

بعدهـا جيتـك ولـدّت عينـك و دار الحـوار
من كفوفـي دمعتيـن و مـن كفوفـك دمعتيـن

كنت اصد و كنتي انتي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )

واذكر اني رحت قبل ابدي لـك ايّـة اعتـذار
رحت حتى قبل اطيّب خاطـرك فـي كلمتيـن

لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقـدريـن

اذكريني لاانتهت للشمـس رحلـه مـع نهـار
واذكرينـي لاصحـى للصبـح ورد الياسمـيـن

واذكريني لا لمحتـي فـي ليالـي البـرد نـار
واذكريني لا سمعتي للمطـر صـوت ٍ حزيـن

اذكرينـي واذكرينـي واذكرينـي .. بأختصـار
..اذكري فهد المساعـد قـدّ ماانتـي تقدريـن !

http://home.att.net/~scorh2/Heart1a2.gif

سحابه

جف الكلام ومـدت يدينهـا فـوق : ..
.. أخترت هذي .. وأنت شف لك سحابه

قلت .. ويديني تحتضنها مثل طوق .. :
أختـرت هـذي هـذي أكثـر رحابـه

هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه

هذي هي اللي عرّفتني علـى الشـوق
هذي قدر .. ماكنـت حاسـب حسابـه

قطعة حزن في جيب بالـي ومشقـوق
ومضة فرح في عيـون نـاسٍ غلابـه

أن سولفت فـي ثغرهـا لمعـة بـروق
وإن سرّحت في عيونها صمـت غابـه

واليا اضحكت نورٍ من الفجر مسـروق
واليـا بكـت تحـزن عليهـا الكـآبـه

حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"

هالآدمي من وين له قلـب وعـروق؟!
والصبر هالمسكين مـن ويـن جابـه؟

وأنـا أتكلّـم .. ردّت عيونهـا فــوق
ثم تمتمت : من هي هالأكثر رحابـه؟؟

قلت ويدينـي تحتضنهـا مثـل طـوق
فـي ذمتـي ماشفـت غيـرك سحابـه

http://home.att.net/~scorh2/Heart1a2.gif

في خاطري كلمتين

من عز نومي صحيت وشفت فـي عينـي
دمع تهـادى علـى جفنـي وأنـا غافـي
ستـرت دمعـي بكمـي قبـل يغريـنـي
وأخذت هذا الجسـد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لطريـقـي لا توديـنـي
لعيون نـاس تبـي تـدري عـن الخافـي
أمانتـك.. خلهـا مـا بيـنـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكيـنـي
كرامـة النفـس ورث أبـوي وأسلافـي
أمشي وأحـس الخناجـر فـي شرايينـي
والبرد يمشـي وراي وينهـش اطرافـي
وحـيـد واللـيـل بـردونـه يغطيـنـي
تقـول كـن البلـد روح بهـا السـافـي
إلين مـا أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلـفـت وانــادي لا تخليـنـي
ما غيره.. الصوت هـذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتـك كيـف أثـرت فينـي
تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
تعبت أعدي علـى جمـرك وأنـا حافـي
تعال واقطـف بصوتـك زهـرة سنينـي
كـل المواعيـد عقبـك شمعهـا طـافـي
تعـال وازرع خصـل شعـرك بكفينـي
بضمهـا ليـن أحـس بليلـك الظـافـي
تعـال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديـت أشعـر أن الحـب معمينـي
وان أنت حلم عثـى فينـي وأنـا غافـي
لكـن أمانـة تـرى اللـي فـي كافينـي
إن رحت منك كـذا مـا رحـت متعافـي
بصـدق الحلـم وأحـذر لا تصحيـنـي
فـي خاطـري كلمتيـن إن قلتهـا كافـي
أمانـة الله عليـك إن غبـت عـن عينـي
لا يكون قلبك مثل قلـب الزمـن جافـي
مـع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

http://home.att.net/~scorh2/Heart1a2.gif

العذر

يعنـي كـذا يـاأم الوفـا والمحبـة
كـذا المحبـة والوفـاء ياوفيـه
أغيـب عنـك أيـام ولا أتنبّـه
إلا وانا أشوفـك زعلتـي عليـه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي من أدنـاه هبـه
يميـل كـن الخيـزران أدمـيـه
وأم الجديل اللي من يخـاف ربـه
يذكـر عليـه الله ويذكـر نبـيـه
إن كنت مخطـي فالخطـا مايجبـه
إلا العذر وانا اعتـرف بالخطيـه
وهذي بعد من فوق الأعـذار حبـه
لاتزعلـيـن الله يخلـيـك لـيـه

http://home.att.net/~scorh2/Heart1a2.gif

الطفل والمحارم

كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..

طفل أحزانه معالم..
طيب وسمح ومسالم..

يمشي ويطوح بصوته ..
يبغى قـــوت أمه وقوته ..

المحارم....المحارم....المحارم ..
المحارم....المحارم....المحارم ..

ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..

وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..

تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..

وفي صباح من صباحات الضياع ..
الحزن قدر يقول له الوداع ..

نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..

الصغير اللي ملى الدنيا صراع...
مـــــــات ....من كثر الوجع

http://home.att.net/~scorh2/Heart1a2.gif

اعز انسان

صوّت حبيبي وقبـل أقـول ياعونـك
شكى جروحه ورحت أشكي له طعوني

يقول مقدر أعيش اليـوم مـن دونـك
وأقول حتى ولو ماعشت مـن دونـي

يمكن أنا اكون أعز إنسـان فـعيونـك
بس انت والله كـل النـاس فـعيونـي

لا صرت ربعي وداري فيّـة جفونـك
وش دخّل الناس خل النـاس يجفونـي

يكفيني إن انت لا من قلـت وشلونـك
تطيب كل الجـروح ويختلـف لونـي

وإن كان منتب مصدقني علـى هونـك
تعال وطالـع دروبـي ويـن ودونـي

أصبحت أجامل عداي اللـي يحبونـك
وأكره مشاهد عـداك اللـي يحبونـي

ومن كثر ما احب واكره عنك واصونك
أصبحت دفتر مشاعر وأنت مضمونـي

إن غبت عني شعـرت بلـذة طعونـك
وإن شفت زولك شعرت بقيمه عيونـي

http://home.att.net/~scorh2/Heart1a2.gif

دفتر اوجاعي

اكتب واسلّي خاطـري بـ(الكتابـه)
كود التهي في نظم الابيـات وانسـاه
واثر القصايـد منـه قامـت تشابـه
من وين اقلّب دفتـر اوجاعـي القـاه
هـذي قصيـده قلتهـا فـي عتـابـه
وهـذي قصيـده قلتهـا يـوم فرقـاه
وذيك القصيـده قالهـا مـن عذابـه
يكتب قصيدٍ منكسـر بـس مااحـلاه
ويقول: (( جابه كان تقـدر تجابـه))
واقول شعرك لعن ابـو مـن تحـداه
ويروح يضحك ما اقتنع في الاجابـه
ويقول: (( شعرك زين بطّل محاباه))
واقول: ((طبعا زيـن لأنـك زهابـه
لاصرت روح البيت وش لون تبغاه))؟
واليـوم ذاك الوقـت جمّـع شبابـه
واقفي ولاادري صاحبي ويـن وداه؟
رضيـت مــدري ذل ولا مهـابـه
ابعـد واهـلّ الدمـع لأيـام ذكـراه
الشعـر والليـل وبيـاض السحابـه
والضحك والحظ الـردي والمعانـاه
كلّـش يذكرنـي بـوقـتٍ غـدابـه
ياوين أبرمي هالجسـد فيـه وانسـاه

http://home.att.net/~scorh2/Heart1a2.gif

يبه

يبه وانا بعد اثنعش عـام حسيـت
اني قـدرت اقـول شـيٍ كتمتـه

ابطى قصيدي ماانكتب فيك وابطيت
اجر صوتي وارجع اجر صمتـه

ماودي اكتب بيت واندم على بيـت
ماهوب شعر الشعر كاني زهمتـه

الشعر كانه ماانحنى ليّّ .. ماجيت
ان ماعـزم مرثيتـك ماعزمـتـه

ان ماكتبته باازرق الدمع وابكيـت
كل الجـروح المبطيـه مارحمتـه

يبه وانا من بعدك ابـو التناهيـت
مامـر طعـمٍ للحـزن مانهمـتـه

يبه ( يبه ) كلمه وانا كل مااوحيت
كلمة ( يبه ) صديت والوقت لمته

يبه ( يبه ) كلمه وانا كـم تمنيـت
اهدم بها وابني بها اللـي هدمتـه

يبه وانا لاضقت رحت وتهجيـت
ركون بيـتٍ ضـم حلـمٍ حلمتـه

يومك تعلمنـي الامـن تحاكيـت
درس الحياه اللي كبرت وفهمتـه

هنـاك كانـت دلتـك لاتقهويـت
وهناك كان يساق طيـبٍ حشمتـه

وهناك ايه اذكرني هنـاك خليـت
طفلٍ مـلا بالدمـع دربٍ رسمتـه

هناك جاني علمـك انـك توفيـت
وهناك خاويت الشقـا واحتزمتـه

واليوم قلت اليوم يومـي ومديـت
كف القصيد وطاح شعر ونظمتـه

لكن بعد صمت اثنعش عام حسيت
اني عجزت اقول شـيٍ كتمتـه !!

http://home.att.net/~scorh2/Heart1a2.gif

يبكون الحبايب فراقي

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟
اللي تعـدّى عمـر ماهـوب هيّـن
والعالم الله كم مـن العمـر باقـي !
يمكن يطول .. ويمكن اليـوم أعيّـن
موتي .. ويبكون الحبايـب فراقـي
وش عاد أسوي وسط قبري وأزيّن ؟!
لاجفت عروق .. وعيون .. وسواقي
لا عاد بـه فرصـة عشـان آتحيّـن
ولا عاد به زفـرة وأفـك اختناقـي
باكـر وكـل اللـي سترتـه يبيّـن
وانا علـى هالحـال ميّـس وهاقـي
مـدري متـى يهدينـي الله وأديّـن
وأكف عن بعض المشاوير ساقـي !

http://home.att.net/~scorh2/Heart1a2.gif

وحده بوحده

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر

بالله شوفـي صاحـبـك كـيـف حـالـه
شوفيـه فـي غيبتـك وشلـون صايـر ؟!

صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!

يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر

الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر

يــوم الطفـولـه والشـقـا والجهـالـه
يـوم الصغايـر فـي عيـونـه كبـايـر

ايــام كــان معـانـده راس مـالــه
ويـسـوق لهـبـال الشـقـاوه بشـايـر

يامـا امتلـى بالحـب والطـيـش بـالـه
ويامـا امتلـت مـن شخبطتـه العـوايـر

يكتـب عليهـا : ( عااااشقـك للثمـالـه )
ويخـطّ توقيعـه : ( جريـح الضمايـر )

يامـا اشتكـاه ابـوك فـي بيـت خـالـه
ويامـا تحصّـل مـن هـواك العـزايـر

مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر

ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر

لاشـافـك يتمـتـم لـحـالـه بـحـالـه
لعيـون هالشـوفـه تـهـون الخسـايـر

ولاشـاف زول ابـوك حــذّف نعـالـه
الحـب جايـر .. لكـن العـود جـايـر

طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر

كنتـي طموحـه .. كنتـي أغلـى حلالـه
كنتـي وصرتـي بـس يــاام الظفـايـر

طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر

لاتتركيـنـه فــي غيـابـك لـحـالـه
بالله شوفـي كـيـف هالطـفـل صـايـر

ووحـده بوحـده كـان عـنـدك عـدالـه
اتبّطلـي غيـبـه .. و ابـطّـل زقـايـر

http://home.att.net/~scorh2/Heart1a2.gif

المواني

حبيبـي دام انـا أصـلاً حبيبـك وانــت والفـنـي
اجل وشفيك تزعل يـوم افضفـض وانفـض ايامـي؟
انا لولاك.. قلت : "ان الزمن بـاموت مـا انصفنـي"
وانا لولا الزمن مـا كنـت اهوجـس وانـت قدامـي
هي الدنيا كـذا .. لا جيـت ارتّـب للكـرى جفنـي
تكاثـر غفوتـي حتـى تصيـر ابعـد مـن احلامـي
هي الدنيا كذا .. و ان كـان مـا صدّقتنـي .. شفنـي
شف عيوني .. وشف وش لون جلدي يستـر عظامـي
شف..أو.. لا.. لا تشوف.. ان كان ودّك صدق تعرفني
تتبّـع سيرتـي .. او سكتّـي .. او جـرّة اقـدامـي
تتّبعـنـي واذا مـرّيـت دمـعـي لا تضاعـفـنـي
تعـدّ بخطوتيـن وشـف طموحـي كيـف مترامـي
هنـا طحـت.. وهنـا حظـي عثر..وهنـاك وقفّنـي
وهنـا مـاردّوا اللـي كنـت اناديـهـم بالآسـامـي
تهجّـى فالموانـي ليـن تـقـرا سالـفـة سفـنـي
تتبّعنـي مـن اول جـرح واتـرك عنـك هنـدامـي
وانا اقول : "ان تشوف اللـي يحـدّك مـا تحلّفنـي..
.. وش اللي حدّني ابقى علـى جـال النهـر ظامـي"
امانـه بـس لا تـزعـل عـلـيّ .. ولا تخالفـنـي
لو ابكيتك مـن همومـي .. او ابكيتـك مـن هيامـي
انـا لولاك..قلـت: "الوقـت هـذا مـا يشرّفـنـي"
ولولا الوقت قلت اني خذيت اكبـر مـن احلامـي !

http://home.att.net/~scorh2/Heart1a2.gif

هدية عيد ميلادك

حبيبي جيت اقـدّم لـك هديـة عيـد ميـلادك
وانا متأكد انـي لـو نسيتـك مانقـص قـدري

ولكـن قلـت ادوّر أي شـيّ يناسـب ّعيـادك
تصفحّت الهدايا لين ضـاق بشوفهـا صـدري

أبي شـي ٍ يجمّلنـي معـك لا فـاح رينـادك
مابي شي ٍ أمدّه والخجل من فوقـي وحـدري

وقلت آشوف بعض الناس قبل يحـل ميعـادك
وش اللي من هداياهم يليـق بوجهـك البـدري

بعضهم جاب ورد .. وشفت كل الورد مافـادك
وانا اصلا أعتبر من جاب ذاك الورد مايدري !

لأن الورد لـو مـازاد بيـن إيديـك مـازادك
تركت الورد ذبلان .. وذكرت اللي سروا بدري

هديتهم قفص وطيور .. قلت فـعيـد ميـلادك
اسوّي مثلهم واهديك طير ٍ في قفص صـدري

http://home.att.net/~scorh2/Heart1a2.gif

نديم الجرح

يانديـم الجـرح واللـي وصتّـك بأرقامهـا
عارف انّك ما تعـرف الا شـذى يشمومهـا

لا تعلمني عـن آخـر مـا حصـل فأيامهـا
من رسالتهـا عرفـت اليـوم كـل علومهـا

أدري إن الوقت شمّـر عـن يديـه وضامهـا
وأدري إن الحظ الأقشر صار مثـل هدومهـا

وأدري إن الهم وقّف فـي طريـق أحلامهـا
لين صار الحزن أثرها .. والشقى مقسومهـا

بس تستاهل .. هي اللي طاوعت مـن لامهـا
وباعت اللي كل ذنبه .. مادخل فـي سومهـا

خلهـا تدفـع ثمـن غلطاتهـا مــا دامـهـا
همّّلت قلبي .. وراحت .. وأسرفت في حومها

يبتعد مع كل خطوه .. صوت وقـع أقدامهـا
وتقرب الضيقه .. وتصحى دمعتي من نومهـا

لين غابت عن عيونـي .. وأنجلـى هندامهـا
ليلةٍ .. تغفى علـى صـدر الظـلام نجومهـا

كنت احس بشـيّ .. والله ماتشيـل عظامهـا
لو تحس بشييّ منه .. يمـر وسـط حلومهـا

كنت احس إن الضلوع العـوج مثـل أيتامهـا
وأشعر إن القلب نبضه منتهـي مـن يومهـا

والحيـاه اللـي تـدور شهورهـا وأعوامهـا
وقّفـت .. واليـوم دور رماحهـا وسهومهـا

ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا

مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا

يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا

والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا

والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا

http://home.att.net/~scorh2/Heart1a2.gif

ليه ؟

الباب هـذا بـاب بيتـك .. بـس مـا يفتـح عليـه!
البـاب هـذا لـو فتحتـه .. تنفتـح لــيّ الحـيـاه

وانـا وراه .. احـسّ كـنّ الدمـع تخنقنـي يـديـه
احـسّ كنّـه حـدّ منفـى .. والوطـن كـلّـه وراه

صوتك وحشني يا وطن .. وأحترت وين القاه فيـه؟!
وأمسيت اغني به .. وانا اللّي كنت اغنّي لـه معـاه !

وحشني صوتك يا وطن .. وأمسيت اغنّي : ليه؟..ليه؟·
ليه الكلام اللي نقـول يمـوت فـي سكـة صـداه؟!

ليـه الدوايـر تنتهـي مـع دربهـا اللـي تبتديـه؟!
ليه الشوارع ساكتـه .. والنـاس كـلٍ فـي هـواه؟!

ليـه اليديـن تصـدّ عـن شـيٍٍ تبيـه وتشتهيـه؟!..
يـوم العيـون تسابـق الجايـع علـى لقمـة عشـاه!

علمّتني في صف (أول حبـك) .. ان اكبـر سفيـه..
.. اللـي اذا حـسّ بغـلا خلّـه يفـرّط فـي غـلاه

طيّب علامك .. كل ما زدتـك غـلا .. تـزداد تيـه
آهات والله يـا وطن..حتـى ولـو مـا قلـت : "آه"

http://home.att.net/~scorh2/Heart1a2.gif

لاتسافر

قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك

والبـال كنّـه عـلـى دربــك يوزعـنـي
ولسانـي ماكـنـه الا خـلـق لحـروفـك

لاالنـوم نافـع .. ولا التفكـيـر نافعـنـي
انام واصحى علـى الباقـي مـن وصوفـك

بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك

بيني وبينك .. ترى اللي صـدق ضيعنـي ..
.. ان انت في اخر لقا .. شارح لي ظروفك

مدري وش اقول .. لكن تدري .. اسمعنـي
خابـرك وافـي .. و أبيـك تتـم معروفـك

ان كنـت نـاوي تسـافـر .. لاتودّعـنـي
بـس انتبـه .. لا تسافـر قبـل مااشوفـك

http://home.att.net/~scorh2/Heart1a2.gif

زمان الدجى

بعـد التعـب عـودّت مثـل أي أنـسـان
بأنسى همومـي .. مثـل ماالنـاس ناسيـن

قعدت أقلّـب فـي الفضـاء كـوم بلـدان
من شاشة لشاشة و لا أدري علـى ويـن !

قلت أنبـش همـوم و كواليـس الأوطـان
و أشـوف هاللاهيـن فـي ويـش لاهيـن

أول قنـاة .. و فلـم عـن قصـة أخـوان
حبّّـوا فتـاة و فرقـت بـيـن الاثنـيـن !

ثاني قناة .. و وجـه .. أو لوحـة ألـوان
من لبسها .. وش لبسهـا ؟ ربـك يعيـن !

ثالث قناة .. و رقص .. واضواء .. وألحان
أجسـاد معروضـة مـن يـديـن ليـديـن

رابع قنـاة .. وشـاب مـن بيـن نسـوان
يشرح لهـن بإمعـان عـن موضـة ألفيـن

خامـس قنـاة .. و مـن صبايـا لفـنـان
لا والله إلا زغــردي يــا فلسـطـيـن

سادس .. وسابع .. كلهـا حملـة أعـلان
ثامن .. و تاسع .. مثـل باقـي العناويـن

عاشـر قنـاة .. ومنظـر يهـزّ الأبــدان
من شوفته ضاقـت علـى دمعـي العيـن

قبلـه وأنـا تحـت الغمـا بيـن جـدران
حول الحطب وأقسى علـى البـرد ويليـن

بعده وأنـا تحـت السمـاء فـوق طوفـان
وأحـس فـي صـدري سـواة البراكيـن

منظـر طفـل دينـه نسـخ كـل الأديـان
مسلـم يعـرف الله قبـل ينطـق السـيـن

منظـر طفـل مسلـم مـشـرّد ومنـهـان
بيـن المطـر والبـرد والجـوع والطيـن

عاري وخايف .. لأن كـم طفـل عريـان
فـي مثـل عمـره واندفـن قبـل يوميـن

جايـع ومـن كثـر القنـاعـة والايـمـان
يسكـت ويقـرا الحمـد ويـقـول آمـيـن

صوته عتاب .. ورعشـة ايدينـه احـزان
و نظـرة عيونـه مثـل طعـن السكاكيـن

في قلب مـن لـه قلـب مفعـم بالايمـان
وفي عين من له في زمـان الدجـى عيـن

يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن

حنّـا عبيـدك .. وأنـت ياعالـي الشـأن
أدرى بخبـث و غطـرسـات الملاعـيـن

يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن

http://home.att.net/~scorh2/Heart1a2.gif

الرسالة

ياصاحبي جيتك أشكي لك من أحوالـي
جيت .. وما دامك رفيقي ليه اطولها؟!

العلم ومافيـه يـا أول وآخـر أمالـي
عندي رساله ولا أدري كيف أوصلهـا

للي سبتنـي وانـا مـن قبلهـا سالـي
أبيك توقـف معـي وتـروح تسألهـا

وش فيها تفتح علـي أبـواب عذالـي
وتحمّـل النفـس حاجـه مـا تحمّلهـا

وش فيها رغم الوفـا تتركنـي لحالـي
وأنا لجفاها تركـت الدنيـا بـأكملهـا

إن كان هذا زعل .. علمّهـا يالغالـي
ماكان قصـدي ورب البيـت ازعلهـا

علمّها واللـي يخلـي قلبـك الخالـي
عن ضيقتي .. وين وصلت من تجاهلها

علمّها كم لي وانـا ماشلـت جوالـي
كلـه علشـان مـا أقلّـب رسايلـهـا

وعلمها وشلون لا مـرت علـى بالـي
أروح وأضـم صورتـهـا واقبّلـهـا

وعلمها كيف أنشغل عن كثرة أشغالـي
وأسرح وأغمـض عيونـي واتخيلهـا

علمها عني .. وعن همي .. وغربالـي
علمها عن كـل حاجـه فـي تجهلهـا

وإن شفتها دنّقت .. تبكي على حالـي
إنسى الكلام .. وتذّكّر كلمـه و قلهـا

قل : شاعرك يعتذر .. ويعاهدك تالي ..
إنـه يرتـب حساباتـه مـن أولـهـا

ويقول : حتى القصيد اللي على بالـي
والله مـا عـاد أكتبـه كانـه يزعلهـا

http://home.att.net/~scorh2/Heart1a2.gif

خلاص

ياصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

http://home.att.net/~scorh2/Heart1a2.gif

حبيت اوضح لك

في عز ماكنت أهوجس فيك وافتح لـك
أبـواب قلبـي خذتنـي رجلـي لبابـك
وجيتك وأنا مااذكر إني كنت رايـح لـك
بس اذكـر انـي كـذا لاطـول غيابـك
ياما ترددت مدري كيـف بشـرح لـك
أجيك وارجع .. أبيك تقول وش جابـك
ياابن الأوادم تـرى مليـت ألمـح لـك
أنا أعزك .. وأحبك .. واعشق ترابـك
لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك
ان كـان ودك ترسيّنـي علـى كحلـك
لمّيت عمري .. وخاويتك على أهدابـك
لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك
لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك

http://home.att.net/~scorh2/Heart1a2.gif

ثلاث سنين

ياعين هلي دموع الوجد وانهمري
محتاج لي دمعتين تعيـد ترتيبـي

نويت دمر الزمان اللي نوى دمري
بايعك ياطيبتـي شاريـك ياطيبـي

والدانه اللي تغنّج كنهـا القمـري
أمنتّكـم بلّغوهـا يـا مناديـبـي

لا عاد تشفق على نخلي ولا تمري
ولا عاد تشره علي في قل ترحيبي

إن كان ربي عطاها لونها الخمري
الله بنفسي معوضني فقـر جيبـي

أمنتكم بلغوهـا تحتـري جمـري
مادام مافاد معها حسـن تهذيبـي

إن عشت والله لأمشيها تحت أمري
وأحس فيها تعذّب كثـر تعذيبـي

هذريت فيها ثلاث سنين من عمري
وإن قالـه الله لأخليهـا تهذريبـي

http://home.att.net/~scorh2/Heart1a2.gif

تهديد

والله وصرت تمون يا مايـس القـدّ
من قلت : "احبك".. والحكي ما تردّه
لا..لا تغرّك طولـة البـال والسـدّ
القلب شكلـه قـرّب اليـوم سـدّه
أنا عزيز النفـس لا جيـت للجـدّ
واللي تمادى يقضـب اليـوم حـدّه
صحيح صعبة ابنـي الحـب واهـدّ
لكن ترى لا ضقـت والله لا اهـدّه
مهوب انا اللي يرفع بوجهـك اليـدّ
وْلا عاش من يرفع على بنـت يـدّه
لكن با اروح ولو غشى دمعك الخدّ
باقول : "وينه غايـبٍ فيـه مـدّه"؟!
يوم الوصل من بيننـا حبـل ممّـدّ
ترخي وانا ارجي منك يـومٍ تشـدّه
بعد المذلّه جيتنـي اليـوم بتشـدّ؟!
خلاص انـا فكّيـت حبـل المـودّه
ما دام به ناس عـن الديـن ترتـدّ
وش يضمن انه ما يجي منك ردّه؟!

http://home.att.net/~scorh2/Heart1a2.gif

تمنيت موتك

اللي بقا لـي فـي غيابـك .. سكوتـك
واللـي فقدتـه مـن غيابـك .. حنانـك
عـذرك معـك لوخبـرونـي بمـوتـك
وحقي عليك ان كـان عـذرك زمانـك
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قـوتـك
لامن ذكرت إنسان .. خنته .. وصانـك
ماكـن قلبـه واحــد مــن بيـوتـك
من تحت سقفـه كـم شعـرت بأمانـك؟
وراك خليتـه .. لعتـمـة سكـوتـك؟
وأنـا مـا غيـر أعشمـه فـي حنانـك
فـي غيبتـك ياكـم تمنـيـت مـوتـك
أقل شـي .. أرتـاح وأعـرف مكانـك

http://home.att.net/~scorh2/Heart1a2.gif

بنت الشعر

ياقصيدي شد حيلك وأخـذ مـن جـورك عدالـه
وأنفـض غبـارك وطـوّح باللحـون السامريـه

أبشر بعلـم ٍ تسـرّ البـال رشفـه مـن زلالـه
أبشـر بعلـمٍ يجيـب أقصـاك ويـردك عليّـه

أبشر بـ( ريف الضلوع العوج ) جت منها رساله
رجعتـنـي للحـيـاه وذكرّتـنـي بالمـنـيـه

أكتبت فيها : (( من سهول الشمال ومـن جبالـه
_لأرض الأحباب وبلاد الحب _ إلى نجد العذيـه

من صبيّه عاث فيها الوقـت وأعياهـا أحتمالـه
للحبيـب اللـي يطيـح فـغيبتـه دمـع الصبيـه

يالحبيب أن مرّك أسمي في الرساله وأنت دالـه
أعتبر هـاك الرسالـه طيـش بنـت ٍ نرجسيـه

وأن قريت أسمي وطاحت دمعتك قبـل الكمالـه
كمّل السطر الأخير وبلّـغ الشعـر الوصيـه ))

وأكتبت لي فـآخر سطور الغلا سطـر ٍ لحالـه
بشّرت في القصيد وجـت تسـوق الشعـر ليّـه

ياقصيدي وأنت عـم القلـب وجروحـي خوالـه
لاتـردّى ماخبرتـك يـاولـد راعــي رديّــه

أقـدح الشعـر وتوّلـم مانبـي لـأحـدٍ جمالـه
مالهـا غيـر المسـاري والحـروف الأبجديـه

دامها لعيـون بنـت الشعـر والحسـن ودلالـه
والله أن يقـال فيهـا الشعـر وتسوقـه حمـيّـه

العنـود اللـي تذّكـر واحـدٍ مـاغـاب بـالـه
بالقصايـد والرسايـل وأسمـهـا والمقـدريـه

كيف تسألني عن أسم ٍ هزّ له غصن وحـدا لـه
شاعر ٍ من طـول صمتـه ماهقيـت ألقـاه فيّـه

ليتها تسأل جنوب القلب عـن صحـراء شمالـه
كم بقـت رغـم الهبايـب فـي قفاريـه الخليّـه

وأن بغت تسأل قصيـدي جعـل يفداهـا خيالـه
تقلـط هنيّـا وتبـشـر بالسـعـد والشاعـريـه

القصيد أن كان ماانصف شاعـره لاجـا مجالـه
وش نبي به يـوم نكتـب فيـه ونحطـه قضيّـه

http://home.att.net/~scorh2/Heart1a2.gif

بسم الله عليك

جيـت فـي ليلـة وداعــه تـايـهٍ بـيـن البـيـوت
وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت
ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الـحـزن وتـفـوت :
"هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت
قـال وعيونـه تغـارق دمـع : "بـسـم الله علـيـك"
قلت : "يا ابن الناس عـادي مـاورى هالمـوت مـوت
وش وراهـا لا فقـدت عيونـك ولمـسـة يـديـك"؟!

http://home.att.net/~scorh2/Heart1a2.gif

برد وأيام وأحباب

هب الشمال وفـزّ بيـن المحاديـب
طفل ٍ على خدّه مشاريـه وعتـاب

والبرد شبّع جـرد الأيـام تعذيـب
وأنا ضحية بـرد وأيـام وأحبـاب

ياليل مالي غير حضنـك معازيـب
خلك معي لاشحّت وجيه الأصحاب

ماعاد هي لحيـة غـرام ومكاتيـب
لاوالله الا قرّبت صـوب الأهـداب

يابنت ياأم الضحكـه أم المعاطيـب
لاماك ذنب وشاعرك مابعـد تـاب

مرّت ثلاث سنين ياأغلى الرعابيـب
والريح تشكـي للشبابيـك والبـاب

مرّت ثلاث سنيـن بيـن المراقيـب
عدّيتهـا يابنـت مرقـاب مرقـاب

في ذمّتي ماعـاد أودي ولااجيـب
حتى الشعر ماعـاد ودّى ولاجـاب

يابنت عندي كلمـةٍ تقطـع الجيـب
بـاقولها لو ماحسبتي لهـا حسـاب

طرد المقّفي مثل طـرد العذاريـب
وأنا تعبت أبلع مشاريـه الأعـراب

أما تعالي وأقطعـي دابـر الريـب
والا انسي أني كنت انا وانتي أحباب

http://home.att.net/~scorh2/Heart1a2.gif

انت زعلان

أسمعك ياللي تنادينـي يابـو قلـب ٍ خلـي
بس انا ماني خلي القلب لأجل اسكت واجيك

الخلي ماهو بقلـب ٍ مـن هيامـك ممتلـي
الخلي قلب آدمي ٍ شافـك ولا هـام فيـك

انت زعلان لجفـاي مادريـت إن زعلـي
يـوم قلبـك مايبينـي قـد ماقلبـي يبيـك

حتى لو عيت همومك فـي غيابـي تنجلـي
كل هذا مايسـاوي لهفتـي يـوم احتريـك

كان ماصدقت هرجي طيب اسمـع مايلـي
ياحبيبي ياعسى ربـي يحفظـك ويهديـك

جايز إنك في غيابـي تقلـب الدنيـا علـي
بس انا من قبل اعرفك قالب الدنيـا عليـك

http://home.att.net/~scorh2/Heart1a2.gif

الغربه

أيـوالله أن شوفتـه تستاهـل عـنـادي
اللي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصيـر فـي قربـه
الله يحـرم ... عيونـي لّـذة رقــادي
أنّي معه .. مااعرف حزني ولااشعربـه
هرجك فـوادي وأنا ياخوك فـي وادي
الله يخلّـيـك ... حـالـي لاتعّـذربـه
راضي بحالي كذا ... واللي يجي عادي
لعيون منهو ركز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقـه لغربـه
يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! فـشفني آنادي :
سجل ..... أنا من عرف عيبه وجاهربه
وسجّـل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن بـلادي
الا .. شعوري وانا في بلادي بالغربـه

http://home.att.net/~scorh2/Heart1a2.gif

القرايا

القرايـا ساكنتنـا لـو سكنّـا فـي المدينـه
ياكثر مافي المدينـه نـاس تسكنهـا قرايـا

مثل انا لامن شعرت أني بحاجـه للسكينـه
رحت يم القريه اللي قدرهـا بيـن الحنايـا

قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا

قريتي انا فهد .. فهد .. فهد ماتذكرينـه ؟!
أسألي عني بيوت الطين ونقـوش الزوايـا

ياسقى الله قبل اسافر عنك يالـدار الثمينـه
يوم انا طفل يشوف عيوب جدرانـك مزايـا

يوم انا طفل ٍ يمر اليـوم ماشـاف الغبينـه
الضحى وسط المدارس والشفق بين المطايا

ياسقى الله يوم كنت الريـح والدنيـا سفينـه
قبل مالدنيا تكـون الريـح والسفـن البرايـا

يوم ابوي الله يبيحـه كـان ياخذنـا بيدينـه
يم ذاك المسجد اللي فيه مـن ريحـه بقايـا

ياسقى الله او بلاش ازيد هذا الطيـن طينـه
لي هنا والعمر مابه متسّع لـاهـل الرزايـا

قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مـرايـا

القرايا سالفـة اهـل القرايـا فـي المدينـه
والمدينه سالفة اهـل المدينـه فـي القرايـا

http://home.att.net/~scorh2/Heart1a2.gif

اللي تركني

اللي تركني وأنا في عـز غربالـي
بعد الشدايد وش اللي ذكـره فينـي

يبغى زمانه يعـود ويرجـع الغالـي
وش لون يرجع بعد ماطاح من عيني

لاالوقت وقته ولاله شي فـي بالـي
أنـا نسيتـه مثـل ماكـان ناسينـي

ياما تمنيت نظرة منـه فـي حالـي
يامـا تمنيـت صوتـه لويناديـنـي

وأقول لااظلم علـي الليـل بلحالـي
الله يجيبـه يشتـت غربـة سنينـي

من كثر ماكان طيفـه دايـم قبالـي
احيان احسه معي وتضمـه ايدينـي

ولامن تنبهت ليـن وجيـه عذالـي
كلٍ على ماطـرى بالـه يسمينـي

ليته تركني بعـد هـذا علـى فالـي
زي ماتركتـه بعدقتـلـه بساتيـنـي

من بعد ماصار جاب بلسانه الحالـي
يبغى يرجـع زمـان بينـه وبينـي

قولوا له اني مااحبه كثـر ترحالـي
او لا حـرام يتضايـق والا يبكينـي

قولوا له اني احبه بـس مـن تالـي
ان راح والا رجـع ماعـاد يعنينـي

http://home.att.net/~scorh2/Heart1a2.gif

المراسيل

أقول : يمكن تنفـرج فـي المقابيـل
و لا ادري الا الأرض تحتـي تهايـل

و بعد التعب والهم والحـط والشيـل
توّي عرفت ان البخـت كـان مايـل

مع ذاك ابو ذيك الرمـوش المظاليـل
ذاك الغريب اللي عمـل بـي عمايـل

جتنـي مراسيلـه تشـبّ القنـاديـل
و معهـا سـؤالٍ جاوبتـه النحـايـل

يقول : ( كيف الحال بعد المراسيل ؟ )
و اقول ( مثل الحال قبل الرسايـل )

عمر الكتابه مـا تجيـب المواصيـل
ريّـح مكاتيبـك تـرى الشـك زايـل

ان ما حصل همس وحنـان وتعاليـل
واعاتبـك ليـن المـح الدمـع سايـل

و اجلس واسولف عن زمان البهاذيـل
و انسى السوالف لا نسفـت الجدايـل

كذا يصير الحـب والوصـل والليـل
وكذا ادري انك مـا نسيـت الجمايـل

اما كـذا والا اتـرك الحـظ للميـل
واتركني فوق الارض تحتـي تهايـل

http://home.att.net/~scorh2/Heart1a2.gif

الناس

ياصاحبـي لاتجـي وتقولـي قـالـوا
لو قلـت ماقلـت غيـر الله يجازيهـم

لاشفت بعـض الأوادم للـردى مالـوا
نفضتهـم مـن عيونـي قبـل اخليهـم

يكفينـي القـدر نلتـه يـوم مانـالـوا
الا .. او اقول مابغى اجيـب طاريهـم

ماقول غير انت لامن حطـوا وشالـوا
تعـوذ برحمـه الله مــن اساميـهـم

وذكرهم ان الاعمار ان طالت وطالـوا
الخالـد الذكـر والا المـوت قافيهـم

اما انت ياقلب لو صالوا بـك وجالـوا
خلك مثل ماانت لاتشره علـى ايديهـم

الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم

وذولاك من عرض ناس ٍ مالي ان مالوا
الا اني اسكت ,, واقول : الله يجازيهم

http://home.att.net/~scorh2/Heart1a2.gif

التوبه

تطيح دمعه واسلـم للفضـا موقـي
وارفع يدين الذنوب وتظلم أعماقـي

اشوف قبري يمر بوحشتـه فوقـي
وتصير كل الحياة أضيق من أخلاقي

يانفس طالـت ليالـي غيّنـا فوقـي
كم قلـت يالله وقلتـي تونـا باقـي

يالمزنه اللي تحـن لغيثهـا نوقـي
تعبت أخيلك وأقـول نياقـي نياقـي

تعبت ياما تعبت و ضاعت حقوقـي
ياما ندمت وردمت الذنب فـأوراقي

ياما سكت وتركت البوح لعروقـي
أخاف أسولف وأخيب هقوة الهاقـي

أخاف ابوح ويخون الصمت منطوقي
وأقول شي يحـث النـاس لفراقـي

يالله وأنت الملاذ إن مسني عوقـي
وأنا ذنوبي جهد من راسي لساقـي

يالله تغفر خطـاي وترحـم وتوقـي
عظمي نهار الحساب وتقبل إعتاقـي

http://home.att.net/~scorh2/Heart1a2.gif

الحصاد

الحصاد
كل ماجبت كبوه .. قلـت كبـوة جـواد
وطال كبو الجواد .. وطال معـه العـدي

كنت أجمّع قروش ٍ بيض لجـل السـواد
ويوم ساد السـواد أنشـلّ معصـم يـدي

آه ياهـي غروسـي طوّلـت بالحصـاد
يوم نوّخت حلمـي عنـد بـاب الجـدي

يالحبيـب الكبْـر ماخلْـق لجـل العبـاد
خلق للـي ينـادي : ( يالعبـاد أعبـدي )

جيت مثل الغريب .. وكنت مثـل البـلاد
وقمت أباهي وأصـوّت يابْلـدي يابْلـدي

أحسب أني كسبت الكسب يـوم الجهـاد
وجبت راس العنيد وشلت حمْل ( ابعدي )

وأثر كسبـي عيـون ٍ ماتـذوق الرقـاد
وشاعـر كـل ماضاقـت عليـه يحـدي

هيه ياللـي بديـت بشـي مثـل الوكـاد
وأنتهيـت بظنـون ٍ حاربـت مـرقـدي

أعتبر كل عمـري معـك كبـوة جـواد
وألف شكرا على أني صرت اعرف آعدي

http://home.att.net/~scorh2/Heart1a2.gif

القصايد والغلا

لعن ابو بعض القصايد كان مافيهـا حـلا
ما تـروح الا و تتـرك للحنايـا جلجلـه

تبتدي مثل المزون اللـي تسولـف للكـلا
و لا خذت قامت ترزّم مثل شهـبٌ منزلـه

فوق صدر الشاعر اللي عن طواريقه جـلا
لين شاف اخت القصايد بالقصايـد مقبلـه

يا هلا ب اخت القصايد كثر شوقي يا هـلا
اقلطي بين الحنايا وافهقـي جمـر الولـه

كل ضلعٍ من ضلوعي حافـظٍ درس الـولا
مثل حفظك للعفاف و للشرف يـا مذهلـه

سولفي كذا السوالـف تنسمـع و الا فـلا
وان بغيتيني اسولـف .. اسألينـي اسئلـه

اسأليني وابتديهـا .. بالنهـار اللـي تـلا
ليلة ان الجرح يقرا في الضلوع البسملـه

واسأليني عن زماني كم شرب فـيّ وكـلا
انتهي من مشكله والقـى وراهـا مشكلـه

المشاكل بهذلتني فـي غيابـك ... والبـلا
ما لقيت اللي احط السـر عنـده وازهلـه

كل مااسمع (كيف حالك) ينقبض جفني على
دمعةٍ تبغى تقول الحـال دمـع و مهزلـه

وابلع العبره واقول : بخير والهـم انجـلا
و آخر الهرج آتلعثم فيـه وانقـض أولـه

ليه غبتي .. ليه غبتي وانتي اللي ما مـلا
عيني الا همس صوتك في زمـان البلبلـه

ياه شفتي وين راح البال بالشعـر وسـلا ؟
قمت اعااتب فيك وانتي ف الضلوع مـدلله

لنّي ماصدّقـت نرجـع للقصايـد والغـلا
بعد ذاك اليوم يوم اجنبت وانتـي مشملـه

ايه ماصدّقـت لكـن ياعسانـي مـا خـلا
قلطي بين الحنايـا وافهقـي جمـر الولـه

http://home.att.net/~scorh2/Heart1a2.gif

حادثة مدرسة مكة

يالمدرسـه والحـزن مالـه مـراسـي ..
والدمـع ماعـادت مراسـيـه الأهــداب

برد الصفوف ,, الطاولات ,, الكراسـي ..
صوت الجرس ,, جوع الشبابيك ,, الأبواب

هناك كـن السـور ابـو قلـب قاسـي ..
يبكي من الوحشـه علـى فقـد الأحبـاب

وهنا الدروج تصيـح : طـوّل نعاسـي ..
علـى يديـن توقـظ الصـمـت لكـتـاب

وهنـاك طفلـه جنـب لـوح ٍ نحاسـي ..
ترسـم عليـه عيـون ووجـيـه غـيّـاب

وهنـا رمـاد ٍ كـان منهـج دراســي ..
في كـف ٍ بنـت ٍ ضمهـا طيـن وتـراب

ياهـل الحـرم والله ماجيـت اواســي ..
جيت ارتـدي مـن رعشـة ايديكـم ثيـاب

أنتـم هلـي وأنتـم ربوعـي ونـاسـي ..
خـوات وأخـوان وعجـايـز وشـيّـاب

مكه .. وأهـل مكـه جبـال ٍ رواسـي ..
لكـن حناجرهـم بهـا غصّـة عـتـاب :

يـاريّـس التعلـيـم وش هالمـآآآسـي ..
فنّـد لنـا كــل الـدوافـع والأسـبـاب

مـادام ابـو فيصـل ابونـا السيـاسـي ..
ينفـق علـى التعليـم مايحسـب حسـاب

ودام الحكومـه عندهـا شـي اساسـي ..
العلـم والصحـه .. أجـل كـبّ الألقـاب

وأجلـس وصارحنـا اذا كنـت ناسـي ..
بـس لاتحـط الذنـب فـي حلـق بـواب

http://home.att.net/~scorh2/Heart1a2.gif

بايعها

مـا كـل ضحكـه تهـزّ القلـب يشبعهـا
ومـا كـل دمعـه تمـرّ العيـن تبكيـهـا
من شاف ضحكة زماني قـال : "بايعهـا"
ما يدري انـي فقيـرٍ مـا اقـدر اشريهـا
يا اللـي نثرتـي سنيـنٍ كنـت اجمّعهـا
تكفيـن هـذي حصـاد العـمـر لمّيـهـا
كـم كنـت اهـدّد بـك الدنيـا والوّعهـا
كـل مـا اذكرتني..واذكّرهـا وانسّيـهـا
بيدينـك اللـي احـس وكـن اصابعـهـا
تقول : "بدري علـى الضيقـه وطاريهـا"
بعيونـك اللـي اناديهـا وانــا معـهـا
اللّـه ياكـم زعلـتـي يــوم اناديـهـا
كنتـي تحسبينـي اسـرح عـن مدامعهـا
وانـا مـا غيـر اتهجّـى رحلتـي فيهـا
اي واللّـه اذكـر عيونـك يـوم اطالعهـا
اقـرا بـهـا انـشـودةٍ كـنّـا نغنيـهـا
كانـت تـروح وتهـجّ البـال واتبعـهـا
تاخـذ عيونـي مـن الحـزن وتودّيـهـا
لايـام كنـت ارمـي بدنيـاي واجدعهـا
أيام مـا .. كنـت اكحّلهـا.. ولا اعميهـا
طفـلٍ سلاحـه دموعـه يـوم يزرعهـا
من فـوق خـدّه وكـفّ ابـوه يرضيهـا
اكبـر همومـه مـن دروسٍ يراجعـهـا
واقصى طموحـه متـى ينجـح ويرميهـا
طفـلٍ وكـل امنياتـه كــان مطمعـهـا
يكبـر وتكبـر هنـوفٍ كـان يرجيـهـا
كبَرْت..و كبْرَت.. وضعت..وخفت اضيّعها
خلّيـت همّـي رضاهـا يـوم اداريـهـا
كل مـا طعنّـي زمانـي رحـت ادلّعهـا
يوم الزمن مـا تـرك لـي غيـر اياديهـا
ما كنت افكّر تجـي فـي يـوم واسمعهـا
تقلـب حياتـي مـن اعلاهـا لواطيـهـا
حتـى اقبلـت تبكـي الدمعـه وتردعهـا
ثـم قالت..وكـن موتـي بيـن اشافيهـا:
"جيتـك أحلّـف عيونـك قبـل اودّعهـا
ما اشـوف دمعـة عتبهـا ليـن اخلّيهـا"
تبغـى تـروح وتخليـنـي واطاوعـهـا
تبغاني اسكت واقـول : "اللّـه يهْديهـا!!"
يـا أول احــلام روحٍ كــان دافعـهـا
انـك سندهـا وحاضـرهـا وماضيـهـا
يا سنيني اللـي قضيـت العمـر اجمّعهـا
يـا ذكرياتـي مــن اولـهـا لتاليـهـا
لا تتركينـي اعـيـش العـمـر بايعـهـا
ضحكة زماني بدونك مـا اقـدر اشريهـا

http://home.att.net/~scorh2/Heart1a2.gif

طلال الرشيد .. قصيده ومجاراه

كانت هذه آخر قصيده نشرت للشاعر طلال العبدالعزيز الرشيد ( رحمه الله )

صديق الطفولـة وش جـرى لـك مـع الايـام
هـي انصفـت دنيـاك ولا انـت بـك مثـلـي

فقـدنـا ملامحـنـا مـثـل سـايـر الانـــام
عبـث بنـا جـور الزمـن والـزمـن يبـلـي

وقفنـا جمـيـع وبينـنـا حـاجـز الاعــوام
صعيب وصولي لـك وياصعـب لـك وصلـي

وانا اشوف فـي وجهـك طريـقٍ غشـاه عتـام
وذاك النـخـل واشــوف دارك ودار اهـلـي

وسـدرةٍ هـي اكـرم مـن اهـل بيتهـا اللـوام
وفي وجهك اصحابي .. عصى مدرسي .. فصلي

وعــودٍٍ كبـيـرٍ ودايــم فالـظـلال يـنـام
فـي ذكرياتـي لـه بـعـد ملـمـح وجـلـي

وسـورٍٍ كتبنـا فيـه ذكـرى عبـث واوهــام
ولـي فـي عيونـك صـورةٍٍ زانهـا جهـلـي

بثـوبٍٍ تبـلـل بالمـطـر والـتـراب وشــام
وانا احب اسيـر العـب وهـي حافيـةٍ رجلـي

انا وانت طفـل وطفـل دايـم رضـا وخصـام
بكانـا سهـل والضحكـة امـرٍ بعـد سهـلـي

دعـانـي بوجـهـك نــادهٍ يـنـده الاحــلام
معه رمحٍ مدري هـو علـي غاضـبٍ او لجلـي

انا كيـف اباصـل والامـل خلـف مـو قـدام
كثيـر الاسـى والسهـد يامـن فعـل فعـلـي

وهـنــا مـجــاراة الـشـاعـر فـهــد المـسـاعـد لــهــا ..

فقيـد الرجولـه ويـن حطـت بـك الأقـدام؟
انـا مـا تخيلـتـك تــزور اللـحـد قبـلـي

عقيـد الطنايـا شيـخ شـمّـر ذرى المنـضـام
حفيـد الجنـازه بلـوة الـلـي بــلا المبـلـي

عقيـدٍ لقومـك.. بـس تبكـي عليـك أقــوام
من الساحـل الشرقـي الـى الساحـل القبلـي

أنـا لا ذكرتـك طـاح راسـي علـى الأكمـام
اسولـف لقلبـي عنـك.. وأبكـي علـى مهلـي

أسولـف عـن أول مـرةٍٍ جيـت قبـل الـعـام
و شفتـك بعينـي مثـل مـا كنـت فـي عقلـي

اميـر و عظيـم و شاعـر و فـارس و مقـدام
سجّـلّ البيـاض اللـي بنقـش الذهـب مطلـي

سنافـي شهـم فـزاع .. لا قـام يعنـي قــام
يغيـث الضعـوف ولا يقـول الـوبـل وبـلـي

طـلال .. الشهامـه نكّسـت عقبـك الأعــلام
الا من قتل خيّـال .. وش نفعـة ( الرجلـي؟ )

طـلال .. الأوادم كلهـا مـن لحـم و عـظـام
تعيش و تمـوت بصمـت .. تالـي ورى متلـي

عداك انت يا من عشت عمـرك عظيـم اشمـام
وقفت فـمماتـك تنتخـي: (مـن نـوى قتلـي؟)

رحيلـك بنـى للحـزن وسـط القلـوب خيـام
و وداعك جعـل كـف الثـرى بالدمـع مملـي

عسى من لبسـت لخشيتـه فـرمضـان إحـرام
و دعيته :( يا رب اكرم نهـار الحشـر نزلـي )

يعوّضـك عـن دنيـاً بهـا حـاسـد و نـمّـام
و يرفـع مقامـك عـن مقـام البـرى السفلـي

http://home.att.net/~scorh2/Heart1a2.gif

غربة اعياد

يا رجفتـي.. والبـرد يبغـى لـه بـلاد
يا غربتـي.. والعيـد طعمـه بـلا روح

اليـوم عيـد.. وليلـة البـارح سـهـاد
ماعدت ذاك الطفل .. ابو ضحك و مزوح

كن السهر .. ياخـذ مـن عيونـي رقـاد
وكن القلق .. ياخذ مـن لسانـي البـوح

امشي.. وأحسّ الناس من حولي أجسـاد
وأغيب في صمتي .. وأشارف على النوح

أهيـم فـي صدفـه علـى غيـر ميعـاد
من كثر ياسـي قلـت للوقـت مسمـوح

ما ادري اتوه.. او اهتدي.. بـس الوكـاد
منفاي ما ادري موطني..حذفـة جـروح

غريب.. تايه.. وان لفـى صـوت نشّـاد
قلت : "ايه هذي غربـة أعيـادي تلـوح"

اكذب واسمّي غربتـي (غربـة أعيـاد)
لكن عسى اللّه يرحم الحـال والـروح ..

دام الجسد في بـلاد والقلـب فـي بـلاد
والله لـ(احصّل) غربتي ويـن مـا اروح

http://home.att.net/~scorh2/Heart1a2.gif

حكاية المينا

اضمن لي ان البحـر مـا فيـه حوريّـه
وأضمن لك انـه يكـون حكايـة المينـا
اللّـه يرحـم جـدارٍ كـان لــه فـيّـه
وكانـت تسمّـي علينـا كـل مـا جينـا
نرمـي تعبنـا عليهـا كــل عصـريّـه
نتبـع قـدرنـا .. وتتبعـنـا خطاويـنـا
انا .. وذاك .. وهذاك .. وكانـت بنيّـه..
.. تطّلّ مـن جرحهـا .. وتبشّـرّه فينـا
كل ما استلان الزمان احدٍ.. بكـت هيّـه
وكل ما استهان المكـان احـدٍ.. تباكينـا
وفي يوم كـان الدفـا صـوت الشماليـه
نادت : "حبيبـي".. وجينـا نرفـع ايدينـا
خلّـت يديهـم وجتنـي وانكسـر فـيّـه
صوت ..وصدى صوت : "تكفى لا تخلينا"
رجعـت الـمّ الشتـات وضاعـت يديّـه
كل مـا جمعتـه تبعثّـر تحـت اسامينـا
ورحنـا نعـدّي .. وكـلٍ عبرتـه حيّـه
حتـى الزوايـا بكتـنـا يــوم عدّيـنـا
انـا وذاك وهـذاك.. وكـانـت بنـيّـه
وقبـل نتفـارق كتبـت اللـي يعزيـنـا:
"اضمن لي ان البحر مـا فيـه حوريّـه
واضمن لك انـه يظـل حكايـة المينـا"

http://home.att.net/~scorh2/Heart1a2.gif

العيش والملح

هذا انـت خنـت العيـش والملـح يامـن..
..تسـب نـاسٍ خانـوا الملـح والعيـش..!!

كنت احسبك..وش احسبك؟!..كنت ضامن ..
..أنك تداري خاطـري لـو علـى ويـش؟!

ماكنـت اظنـك قاسـي القـلـب لامــن..
ضاقت علي وجيت لك.. قلت لي: ((ليش))؟!

وش ليش؟!.. انا مابـي لـك ايّـة تضامـن
مابـي لـك الاضحـكـةٍ كلـهـا طـيـش

مابـي لـك الا ضحكـةٍ لــو تـزامـن..
.. مع ضيقتي .. طـارت همـوم وخفافيـش

ارقـد بهـا عـن غـدر الايـام ( وامـن)
واحيا بها.. مدري بهـا امـوت واعيـش !

واسـجّ فيهـا عـن هـوى كــل طـامـن
وأروي بهـا عـروقٍ.. عليهـا معاطـيـش

بس انت .. خنت العيـش والملـح يامـن ..
.. تسـب نـاسٍ خانـوا الملـح والعيـش!!

http://home.att.net/~scorh2/Heart1a2.gif

كذبة كبيرة

اتعبتـنـي عيـونـي قــدّ مـاهـي بصـيـره
واتعبتـهـا يديـنـي قــدّ مـاهـي جـفـول
قلت : "خيره".. ولكـن وينهـا و ويـن خيـره؟!
لا عيـونـي تـكـفّ.. ولا يديـنـي تـنــول
هيه.. وين انت يا للي كـان مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشـيـره
واثـر مــا كــل زولٍ ينتـعـوّض بـ(زول)
جيـت نـاسٍ تـزوّد حيـرة القـلـب حـيـره
قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره
عمر الانسـان يصغـر كـل مـا هـو يطـول"
قالوا : "الشعر بيت".. وقلت : "انا الشعر ديـره..
..اعقـل اللـي سكنهـا فيـه طيـش مهـبـول"
قالـوا : "اللـي فقيـر يحـب وحـده فقـيـره"
قلت : "واللـي يحـبّ يحـب وحـده خجـول"
قالـوا : "و ذيـك هـيّ الأولـه والأخيـره ؟"
قلت : "ما ادري.. او ادري بس ما ابغى اقول"..!

http://home.att.net/~scorh2/Heart1a2.gif

القلوب الطيبه

يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال

يابعد طـول المسافـة والكلافـة والشقـا
يابعد كل الحيـاة وكـل ماجـاب الخيـال

ماورى سـود الليالـي والفـراق إلااللقـا
وش تبين بهالدموع الزرق يابنت الحـلال؟

اتركي عنك الدموع وخلي الحـزن يهقـى
ان مالـه فالقلـوب الطيبـة أيـة مجـال

كلها جرح ونشـوف الليـل لامنـه اتقـى
في جلال الصبح جعل الصبح مايلقى جلال

اقبلي قبل نتفارق والوصـال ابـو النقـا
ودي آخذك بيدينك والنقـا ولـد الوصـال

اقبلي واليوم يـوم الشعـر كانـه مارقـى
يم ذيك الغيمة اللي كنهـا (طلبـة تعـال )

لايجي باكر يغني : (ياسقـى الله وسقـى)
كل شي ان طال زال الا القصايد ماتـزال

لعن ابو ذكرى القصايد كان ذكراها محقا
كل بيت وذكرياته في ملامحهـا سـؤال :

وينها اللي كنت انا والصبح ويديها اشققا؟
اي فال اللي رماني في خيالـك اي فـال؟

آه كان الشعر راح ورحتي انتي وش بقى
مابقى لي غير اجر الصوت وأسري يادلال

http://home.att.net/~scorh2/Heart1a2.gif

الطائف

ياعروس الشعر مدري فتنة المصايف
ايه سمي يا بعد كل الولايـف سمـي
والله انه تاج راسي دعوتك يالطايـف
أبرك الساعات ساعة مالتفتـي يمـي
ابشري وبجاه رب جبالـك النوايـف
ان أسوق لك القصايد لومهرها دمـي
يكفي ان رجالك اللي يمنّون الخايـف
مزبن اللي مزن همه سيلهـا متحنـي
والله العظيم لولا (ربطـة )الوظايـف
ان أقضي كل عمري فيك وانسى همي
وآخر الأبيات شّكرا يا ربوع الطايف
يوم لدت لي عيونـك والتفتـي يمـي

http://home.att.net/~scorh2/Heart1a2.gif

نبض القصيد

ماطرق جفن المحبه رمش ماله في السهر
وما لمس نبص القصيدة شاعر جاهـا كـذا
والله اني لاتعزوى واضرب حصون الخطر
لوعرف ورد المحبه كيف يلعـب بالشـذا
ياسحابه صيف منها مابعد شفـت المطـر
مغريه مثل الطموح ومشغلـه مثـل القـذا
رحلتـي شابـت تمنـى مبتداهـا بالخبـر
والنهايه ضاع وقتـي بيـن هـذا هـو وذا
ياكبر حظ السعادة طول عمـره ماصغـر
منهو اللـي لاعرفهـا مابغاهـا لـه غـذا
ماعرفت الا جروح مالهـا غيـر الصبـر
دام وقتي لاعطاني جـرح يبطـي ماخـذا
بين جرح وبين خوف وبين طعنات القـدر
طـب ياحظـي تخيـر أو تغيـر يــاوذا
وانت ياللـي لـو اقـول احبـك ماتسـر
في كلمـة فـي خفوقـي يرتكبهـا لاهـذا
ماملى عين المحبه غير وجهـك والسهـر
فوق نبض من نضمتـه مابعـد قلتـه كـذا

http://home.att.net/~scorh2/Heart1a2.gif

ليل ياليل

ليل ياليل .. يوم النـاس سمّـوك ليـل
هو عشان السهر وإلا عشان المنام ..؟

شف عيوني وشف وشلون جسمي نحيل
لعنبو هالغرام إن كان هذا الغـرام ..!

آه ياقلبـي اللـي مابقـى فيـك حيـل
من كثر ماطواك الشوق ولـد الحـرام

قلت لك لاتميـل إن طعتنـي لاتميـل
بس هذا أنت ملت وماسمعـت الكـلام

يـوم ذيـك الصبيـة أم ذاك الجديـل
جت تهادى وتمشي مثل مشي الحمـام

إنكسرت وقعدت تحـط فـيّ وتشيـل
لين رحت وخذتني في طريـق الهيـام

قبل أسلم عليهـا كنـت عابـر سبيـل
وصرت ديرة غرام وعشق بعد السلام

كنت اقول : أي حب وأي خل ٍ وخليل
الهـوى مـاوراه إلا التعـب والمـلام

لكن اليوم شفني ضعت وأكبـر دليـل
اني امشي واهذري( إبتسام .. إبتسام )

http://home.att.net/~scorh2/Heart1a2.gif

جدة

ياللي تقـول الـدار داري وتختـال
ماشفت جده كيـف لاروح عصيـر
تبغى الصراحه كلمة الحـق تنقـال
جده بحرها غير وجروحهـا غيـر
جده سواحل عشق وأحـلام وآمـال
وأسوار طيش وذكريـات ومقاديـر
جده وش أكتب عنك واللي على البال
أرق وأعذب مـن قصيـد وتعابيـر
أكتب عن جروح وتواريخ وأجيـال
ولا عن أحـلام وقصيـد ومشاويـر
تدرين باكتب وأترك العشـق ينهـال
عن جادل تامر على الصعب ويصير
أسج وأذكر عودها كـل مـا مـال
كنه يطيّر من ضلوعـي لهـا طيـر
وأذكر شعرها لاانتثر ينثـر ألحـال
وتلمه بـشال عرف يمسـي بخيـر
واذكر نسيم عذب كم عـذّب الشـال
لا طار به والشـال مـاوده يطيـر
واذكر نهـارٍ دمعهـا بآخـره سـال
نهـار أحزانـه علـيّـه طوابـيـر
نهـار أدك بضيقتـي راحـة البـال
وأقول ياجـده تمسّّـي علـى خيـر

http://home.att.net/~scorh2/Heart1a2.gif

ياصاحبي

ياصاحبـي بالله خــل التغـلـي
وقت التغلـي والدلـع ذاك ولـى
ماعاد معنا وقت تربـط واحلّـي
دامه عدو الحب بالصـوت علّـى
خذها صريحه .. حط نفسك محلي
ادمح لك الزلاّت قـدر وتغلّـى ؟
ولّي حيـاةٍ جابـت الـذل ولّـي
لابو حياةٍ صـرت فيهـا تسلـى
قولوله اني بنسحـب منـه كلّـي
خلوه يدري ( من تغلّـى يخلّـى)

http://home.att.net/~scorh2/Heart1a2.gif

وسلامتكم وترا الموضوع متعوب عليه وجلست فيه ساعات

واتمنى يكون مرجعيه للكل

ومن لديه اي قصيده جديده للشاعر يطرحها وسيتم اضافتها للموضوع بأسمه

ولكم مني ارق واعذب التحايا