بحور الشوق

[وصل الله]

شعر سعد ناعم السهلي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ان مرني طيف الغلا بين السحابة والخبوب

ما أقوى على كتم المشاعر لاعزف قلبي غلاك

أنا مثل فنان يرسم لوحته عند الغروب

مكتوب في عنوانها رب الملا يسعد مساك

ما دامت انك بالنداوي ما تصيد الا القلوب

ابسألك ما شفت قلبي يوم حلق في سماك

ينهض بجنحان الوله في كل حدب وكل صوب

ذاك الوليف اللي رهن عمره على ذمة رضاك

تعال وامسح دمعة الحرمان بالغض اللعوب

المنتظر ما عادله قدرة على صولة جفاك

حالي مثل حال الغريب اللي وقف بين الدروب

ما ادرى نجيت من الشقا والا قربت من الهلاك

اناظر الصوب الشمالي والتفت صوب الجنوب

احس بوجودك بقربي بس عيني ما تراك

يا أهل الوله وشلون اتوب من الوله وشلون اتوب

واحطم القلب الشغوف اللي رماني بالشباك

يوم اشرقت شمس الأمل قلت الهنا مائة غيوب

واليوم أنا في معركة ما بين هدفه واشتباك

دخيل عينك يا نحيل العود قلبي لا يذوب

أنا اتقلب في بحور الشوق وانته في خطاك

مديت لك كف الوفا وانزلتك الصدر الرحوب

وان كان مالك قلب يرحم صدني واتبع هواك

ما ينحني لك رأسي اللي ما حنيته للخطوب

يا ذا العنيد اللي خفوقي تاه في ظلمة دجاك

[أبوتركي]

مديت لك كف الوفا وانزلتك الصدر الرحوب

وان كان مالك قلب يرحم صدني واتبع هواك


صح لسان الشاعرومشكوووور اخي وصل الله على النقل

[وصل الله]

مشكور لمرورك الجميل