صحيح أنك بتتزوج !... وعرسك في مسا الاثنين ...

[عناقيد]

صحيح أنك بتتزوج !... وعرسك في مسا الاثنين ...
بتاخذ وحدتن غيري... وتتركني مع أحزاني

خواتك جابو الشبكه.. وقالو ياهلا وأهلين ...
بريح المسك ندعيكم لعرس أعز الاخواني

وعروسك مثنيه هالراس... ببسمه شقت الخدين ...
وفرحه من نواظرها لهيبن وسط شرياني

وأمك ترقص قباله وتصفق بأحمر الكفين ...
تغني حسها كنه خناجر حبي الفاني

وأنا مدري وش القصه ؟ومدري من متى؟؟ ومنين...
ومنهي اللي تبي تاخذ حياتي وكل الاماني

حبست الأه في جوفي ودمعي حايرن بالعين ...
عذاب القلب وجنونه وحالي حيل مرضاني

صدمت بوقتها أرجي إلهي خالق الجنسين ...
يصبرني على فرقا ضنيني .. نصفي الثاني

رجعت لغرفتي أرمي هدايا من ( ثلاث سنين ) ...
رسايل خطا حبرك تترجم حب خواني

كرهت البيت والشارع بلا روحن معا الحيين ...
همومي في وسط صدري تعادل جيش ميداني

حرقت القلب ياخاين وعودك وصلتني لوين .. ؟؟
عطيتك قلب ماتلقي مثيله بين الازماني

عشقتك عشق من مبطي معاي وباقين للحين ...
وأحبك حب لو ليلى درت عنه تنصاني

ورحت أبارك لعرسك وعدي مابكتلي عين ...
سوات اللي طعن قلبه بصمت وقال.. وش جاني ؟

فمان الله...معك حبك توفي في مسا الاثنين...
وأمانه لاتراسلني وأبك اليوم ... تنساني


عجبني فلطشته كالعاده واتمنى يعجبكم

[وصل الله]

الكلام الحلو يستاهل اللطش والتمتع فيه ولكن لو كان صاحبه معروف نذكره للامانه اللطشيه وكل ملطوش وانتي بخير

[عناقيد]

يسلموو وصل الله على المرور والتعليق

انا لاصرت اعرف الشاعر قلته لكن مااعرفه مع الاسف

[shame]

عناقيد

كلام جميل تسلم يدكـ

[عناقيد]

تسلم شامي

ممتنه لمرورك المبهج

[بوح القصيد]

اختي عناقيد .......


سلمت يمينك على اللطشه وياليت مره اخري توضحي اسم الملطووووووووش هههههههههههه امزح


تسلمي على هالمشاركة وننتظر جديدك.....

[عناقيد]

هلا وغلا بوح القصيد


اللاطش =انا

الملطوش=القصيده

الملطوش منه =مجهول


<< قلبتها حصة قواعد على وزن العطف والمعطوف


تسلم بوح القصيد على مرورك الجميل وتعليقك الاجمل

[الدليل السياحي]

هلا وغلا بالعناقيد

وأشكرك على اللطشة الجميلة

دمت بصحة وعافية

[عناقيد]

ياهلا وغلا الدليل

مرورك هو الاجمل

[الشبح]

عناقيد الله يعطيك العافيه ع احلى نقله شعريه ,,,,
تقبلي مروري وشكري ,,,,,,

[عناقيد]

الله يعافيك الشبح

ممتنه لمرورك