المساعد الشخصي الرقمي

مشاهدة النسخة كاملة : وين أنت؟


وصل الله
05-29-2007, 10:46 PM
وين أنت ياللي يشرح البال طاريه

وين أنت ياللي لك مقر بفوادي

ما له شبيه ومنهو اللي يحاليه

وماله مثل فالحضر والبوادي

أساير الأفكار والقلب أعزيه

فاللي كوى قلبي بنار البعادي

حتى قصيدي يرثى اليوم غاليه

في غيبتك شعري كساه السوادي

أمشي على الجره وصوتي يناديه

أبعد وعقبه ما هنالي رقادي

أرخصت عمري دون عمره ومغليه

فيه الجمال وهادي الطبع هادي

ما غيرك أحدٍ صار قلبي مصافيه

في غيبته ما طاب شربي وزادي

آمر وأنا قول لك حاضر ولبيه

لو تطلب عيوني ترى الوضع عادي

والصبر طال ولاني اليوم قاويه

في غيبتك ذقت العناء والجهادي

حل الفراق وكنت مانيب ناويه

واليوم في وادي وخلي بوادي

صنيتان فيحان العتيبي

عناقيد
05-29-2007, 11:06 PM
حل الفراق وكنت مانيب ناويه

واليوم في وادي وخلي بوادي


يسلمووو على القصيده الرائعه

دمت بود

وصل الله
05-30-2007, 04:48 PM
جمع الله المحبين في وادي واحد ويلم شملهم شكرا على المرور

ابو حسام المنتشري
06-02-2007, 05:24 AM
أساير الأفكار والقلب أعزيه

فاللي كوى قلبي بنار البعادي

.....................

بارك الله فيك اخوي وصل الله

وصل الله
06-02-2007, 05:33 PM
شكرا على المرور

الشبح
06-03-2007, 04:36 PM
شكرا أخي وصل الله كل بيت من القصيده حكمه وذوق رفيع لأنك أنت اللي ناقله ,,,,

لك تقدير خاص مني وتقبل مروري ,,,,,

وصل الله
06-03-2007, 06:50 PM
مشكور كلك ذوق وادب جزاك الله خيرا

أبوصالح
06-04-2007, 01:39 AM
لملم جروحك وانسحب0000مالك نصيب في اللي تحب

وصل الله
06-04-2007, 07:03 PM
الجروح لملموها الاحباب ومالك في الاهلي ذاب