أختبار الرجاجه

[العالمي]

السلام عليكم ورحمة الله وبركاته
شرايكم أسوي لكم أختبار>>لاتخافون غير عن المدارس
أنت مرجوج ولا لا


المراجيج و الغير مراجيج؟....


هل أنت مرجوج !!


وإذا كنت كذالك .. ماهو مستوى رجتك ؟


للإجابة على هذه الأسئلة ماعليك سوى اجراء هذا الاختبار



السؤال الأول

انت توك قايم من النوم وطفشاااان ووااااصلة معك .. قمت تغسل وجهك

وتفاجأت بنملة تبي تدخل خشمك .. ما هي ردة فعلك
1- تمسك النملة وتفعصها بإصبعيك وأنت تكركر ومستانس و تقول :
والله يا أنتي نملة منسمة تبين تخترقيني .. هه هه هه هه.

2- توخر النملة عن وجهك و تطيرها وانت تشتمها

3 - تخلي النملة تدخل خشمك

السؤال الثاني

رااااجع من المدرسة أو الكلية او العمل .. المهم وتلقى الواااالدة سرحانة في الصالة
تفكر وش تصلح بكرة إذا بغت تسيير في الضحى على أم صويلح .. ماذا تفعل؟
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول :
الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع في الرياض .. حب ورثته من الجدوووود
هه هااااااااااااااااااي والله تسحيبة يمة

2- تجي بشويش من ورى أمك وهي سرحااانة وتصرخ في أذنها وتقول :
مساااااك الله بالخير .. وطبعاً هي بتنفجع وبتقول وجع الله يمسيك بعصا إن شاء الله

3- تطلع من غرفتك وماتسوي شيء


السؤال الثالث

انت توك مقيل وماخذ لك قيلولة على كيف كيفك ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل

1- تجي يعني اني تكنس وتغطي عليهم التليفزيون <<< أحلى يا أليسا

2- تجي يعني اني بتشبك شاحن الجوال وتقوم تفصل فيش التليفزيون ..
وتقول : أوه آسف

3-تقعد تتفرج معهم


السؤال الرابع والأخير

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة

1- تنسم كفراته الأربعة

2- تسلم عليه وتلزم عليه يعزمك على العشاء

3- تشتري له تويكس معك



النتيجة
أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة



9 - 12
أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .


5 -8
أنت مرجوج بس على نذااالة شوي ..مستوى رجتك معقول لكن لا تستخف دمك كثير لأنك بتجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..اكل عصفور قبل الغدا مرة في السنة .



4 - 5
يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.


الحل : تحتاج الى كورس رجة مكثف


منقووووووول

اختبرونفسكم وردوووعلي أنتظركم شباااااااااااااااب بس كلن يقول مستوى رجاجته

منقوووووووووووووووووووول

[أبوتركي]

10 نقاط

<<<<ياشينه وهو يتمنذل

مشكوووور اخي العالمي

[shame]

9 - 12
مررررررررررررررررجوج

[ابواصيل505]

يسلموووووووووو العالمي

5 -8
أنت مرجوج بس على نذااالة شوي ..مستوى رجتك معقول لكن لا تستخف دمك كثير لأنك بتجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..اكل عصفور قبل الغدا مرة في السنة .


نذل ودلخ واكل عصفور مره واحده في السنه ( طيب انا هوايتي صيد العصافير يعني اصيدهم ولا اكل ) مستحيل هذا قهر


أقوووووووووول والله انك مرجوج يالعالمي

[أبو يوسف]

ما اقول الا رججت رجأ ً مبرحا ً نافعا ً غير ضار

التنيجه
5 -8
أنت مرجوج بس على نذااالة شوي ..مستوى رجتك معقول لكن لا تستخف دمك كثير لأنك بتجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..اكل عصفور قبل الغدا مرة في السنة .


أهم شي ما نحتاج كورس كفايه اللي معنا

[عازف الآهات]

التنيجة
5 -8
أنت مرجوج بس على نذااالة شوي ..مستوى رجتك معقول لكن لا تستخف دمك كثير لأنك بتجيب العيد .

بس ماقلتنا كم نذالتك أنت يالعالمي

أخاف إنك تعديت 12 فوق من النذالة .

مشكور على الاختبار .