إهــــــــــــــــــــداء لشخص ما

[قلم رصاص]

لاتتصل ماني على الصـوت شفقـان............. وفـر كلافـة عنـوتـك واتصـالــــك
اللي زعل يبقى على طـول زعـلان.............. ومشكور ماقصـرت يكفـي سؤالـك
مامشي ورى المقفي لو كـان ماكـان........... اعز نفسي صـوب رغبـة وصالــك
صحيح أحبـك مولعـاً فيـك هيمـان............. وصوتـك يسافربـي لاعالـم خيالـك
لكن حبـي لـك ألـه اربـع أركـان............. من دونهـا عنـدي قصيـره حبالـــك
عزي ؟ وفهمك ؟ كلمتي ؟ وزود تحنان....... وايضا الوفا ؟ واأبشر بقلبـي وفالـك
وأن كـان ناويهـا صـدوداً وهجـران.......... لابـوك لابـو الحـب لابـو جمالـك
أحقرك وانهي عشرتك (ذل) حقـران............. بهيبـك لينـه يخيـفـك أضـلالـك
ماقد سمعـت بـذل أنسـان لاأنسـان.............. منـي خـذه لاتسمعـه دوك جـالـك
لاتحسبني شخـص بالسهـل ينهـان............. منهو نواهـا محاولـه صـار هالـك
لاتتصل ماني على الصـوت شفقـان............. وفـر كلافـة عنـوتـك وأتصـالـك
اللي زعل يبقى على طـول زعـلان................ ومشكور ماقصـرت يكفـي سؤالـك

































فهل فهمت يا .................................... ايها المقصود

[عازف الآهات]

اللي زعل يبقى على طـول زعـلان........... ومشكور ماقصـرت يكفـي سؤالـك

الله لايجيب الزعل بينك وبين عزيز يا أبو وسام

وإن حصل خل قلبك كبير

والتمس له عذر

عموماً لك تحياتي

[قلم رصاص]

لعذر لمن يلعب بمشاعر الآخرين يما من بادي الوقت مشكور لا عدمناك

[عناقيد]

لكن حبـي لـك ألـه اربـع أركـان............. من دونهـا عنـدي قصيـره حبالـــك
عزي ؟ وفهمك ؟ كلمتي ؟ وزود تحنان....... وايضا الوفا ؟ واأبشر بقلبـي وفالـك

ان شاء الله تكون وصلت الرساله للشخص المقصود لكن قلب المحب كبير

ولازم يكون فيه تسامح



سلمت يدك على القصيده

[ابومكي]

أبو وسام صح لسانك والصبر طيب يا الغالي

بنروح ننادي على الشبح يجي يواسيك

[قلم رصاص]

تشكرات لك من خفف احزاني

[الشبح]

أبو وسام صح لسانك والصبر طيب يا الغالي

بنروح ننادي على الشبح يجي يواسيك

تجاوبا مع رغبة ابو مكي ......

ابو وسااااام خذ هذي .....


الـلـه عـلـى الـدنـيـا كـبيره ببرهان ..... انـا غـريـبٍ وانـت تَـجْـمَـعْ خـوالك
دنـيـا دنـيـه مـا تـسـاوي خـبـر كان ..... و الـلـه يـسـامـح والبقيه فدا لك
الـقـلـب لـحـمـه مـا تـقـسيه ازمان ..... عـلـى خـوي مـا يــغـادر خـيـالك
اصـبـر تـرا لـلـصـبـر كـادي وريـحان ..... تكسب جميل وتاخذ الحق فالك
مهما يجور الوقت نبقى حن اخوان ..... قـلـبـك كبير وصاحبك تاج شالك


والله لايعوق بشر والدنيا ما تستاااااهل هذا الزعل والمساااامح كريم .....

تقبل مروري وتقديري .....

شكريااااا....

[كويتيه عسل]

يسلمووووووووو يالغلا قصيده روووووووعه

[من مونتريال]

صح لسانك يا شاعر وانا اتفق مع الاخوه ان التراضي طيب ,, وترى له طعم خاص بعد الزعل ! ,, ولو الارتفاعات والانخفاضات ما تكونت الامواج !

[أبوصالح]

خلك شديد وإذا أتصل لاترد عليه

[السامي]

وأن كـان ناويهـا صـدوداً وهجـران.......... لابـوك لابـو الحـب لابـو جمالـك

خلك انت الطيب يا أبو وسام

[أبو يوسف]

صحيح أحبـك مولعـاً فيـك هيمـان............. وصوتـك يسافربـي لاعالـم خيالـك

وصلت لحاله خاصه <<< الله يكون بعونكـ


وصح لسانكـ

[shgawi07]

ما علي فيك بتصل لو كان ما كان********وش زعلك قلي وش طرالك
واللي زعل لابد في يوم يكون ندمان****ويرجع لصاحبه ويقول كثر من اتصالك