ماذا تعرف عن شعراء السودان

[من مونتريال]

السلام عليكم ورحمة الله ,

اكتب لكم هذا الموضوع وهدفه التذكير بأدب وحضاره قد نجهل الكثير منها و قد لا يخطر على بال احدنا الاطلاع عليها وانني اتحدث عن الادب العربي في السودان سواء كان الادب الفصيح او العامي وسأذكر لكم بعض القصائد املا ان تكون دافعا للبحث والاطلاع وان تنال رضاكم .

الشاعر سيد أحمد الحردلو وهو حاصل على بكالوريوس في اللغة الإنجليزية وآدابها , ودبلوم في اللغة الفرنسيه وله الكثير من الاعمال الادبيه.

وساذكر له احد القصائد وهي بالعاميه السودانيه.
العنوان (أدبي )

أنا ، واستغفْر المولى ،

من قولة .. أنا .. ، أدبى ،

شاردْ من التاريخْ

ونازل بدون تصريحْ

وشايل قَلمْ دهبى

وقرطاسْ ورقْ عربى ،

وبكتب كلامْ أدبى

وما عندى غيرو أنا فى الدنيا .. من أرَبِ

كلامْ عشان الحُزُنْ .. والناسْ ..

كلام أدبى ،

ما عندى غيرو أنا فى الدنيا . . من أرَبِ ،

لا خزنة . . لا سُلطانْ

لا غيرا .. من طَلبِ

الناسْ مطالبى أنا . . والحبُ للأدبِ ،

يا أيُها مطرودْ

إنى أنا زولَكْ

وأيُها محزونْ

إنى أنا هُولَكْ ،

هَادِى مطالبى أنا ..

والحبُ للأدبِ .


وصح لسان الشاعر وشكرا لكم على الاطلاع .

[من مونتريال]

واضيف قصيده للشاعر عبدالقادر الكتيابي وهي بالفصحى
وعنوانها (كفى يـا شعر) ...
كفى يا شعر ..

ما غادرت في التاريخ ..

ما قصرت في التوبيخ ..

شكرا لك ..

لأنك حين قلت الحق كان القول مسجوعا فأرقصهم ..

ولما قلته بالنثر .. أربكهم ..

وكم حاولت من مسلك

فشكرا لك ..

ستبقى هكذا يا شعر مهراجا بباب القصر ..

درويشا على الطرقات

أو بوقا لحزب الـــلات ..

موضوعا لمن حولك ..

فقل ماشئت مهما قلت لن يتبينوا قولك ..

فشكرا لك ..

كفى يا شعر

ما استبقيت في رئتيك من شيء لهذا اليوم ..

هذا يوم لا خطباء

ليس بيوم تصفيق لتلفيق ..

وليس بعيد مائدة لمؤتمر ..

ولا هو معرض الأزياء ..

كفى يا شعر هذا اليوم يوم اللاء

فلا إلا لآيات مبينة بأول سورة الإسراء

وهذا اليوم رفرف آخر الوعدين قد عدتم فها عدنا ..

تسوء وجوهكم منا حجارتنا ..

وندخله كأول مرة ..

عدنا .. نتبر ما علو .. نعلو تكبر خلفنا الأشجار والأحجار والأشياء ..

فهذي مرة الثارات هذي

آخر المرات ..يا زعماء هذا العصر

يا عشاق ضبط النفس ..

لن يتوقف الطوفان ليس اليوم مثل الأمس..

لن يتوقف الطوفان

إما القدس إما القدس ...

[أبوصالح]

وهذه قصيدة حفظتها عن أحد زملائي المعلمين السودانيين قبل حوالي خمسة عشر عاما ويذكر فيها أن إحدى الطالبات الجميلات بكلية الصيدلة وتدعى سيدلا عندما تخرجت من الجامعة كان فراقها على من يحبها صعباً فكتب فيها قصيدة طويلة لكن مع الأسف لم يبق في ذاكرتي سوى بعض الأبيات التالية:
غلطات كتيره الكمبيوتر بيعملا0000
يمكن سهى ويمكن نسى وجاط النمر بأكملا000
لو كان عرف كان النتايج عدلا وخت اسمك أولا000
مالو العميد مالو البليد ماخلا ست الحسن تعيد0000
شرط امتحان لازم علوم مابالسماحه مؤهلا000
ياسيدلا فيتانا وين مستعجلا000
الجامعا بعدك كومت رماد00000
لافيها طب لااقتصاد لاصيدلا000
ياسيدلا فيتانا وين مستعجلا000

[الشبح]

تقبل مروري وتقديري ....

[من مونتريال]

شكرا للاخوان على المرور ,,

وسأضيف هذه القصيده وهي من الشعر الحلمنتيشي السوداني ,,, وتتحدث عن امال اخوننا السودانيين في البترول وبعض المشاكل التي واجهوها ,,,

حباب بترولنا فرحانين

ولي جيتك رجينا سنين

طلعت روحنا قبّالك

وطلّعوا زيتنا معصورين

قالوا بطون ، تربطوها .. ربطانها

هم فكّوا .. بقت كرشاً تشيل جاهلين

قالوا دقون ، تربّوها .. ربيناها

هم حلقوا .. صبحوا مُلُس حلاتو حسين

قالوا تدكّوا .. دكيناها

بس جرّونا ليك خمسين

أخدنا السيك وفي قبولنا

ورق يا أخوانّا فيو "آسين"!

لكن بس خلاص سودانّا بتصلّح

وتبقى "أمبّدة " زي "برلين"

تعال شوف كيف جنيهنا يعود

مكانو الفاتو ليهو سنين

جنيه حيساوي اتناشر

ما "دولار" "استرلين"

مزارعنا بتدّور جد.. مزارع فول وأب سبعين

وزيت السمسم قصب سكر ..بنلغي بطاقة التموين

نسوق عرباتنا نص الليل ..ونحرقوا ليك جِنِس بنزين

وتبقي الكهرباء بي بلاش

لا أمطار أبت تهطل ..ولا طوربينا خشّاها طين

والغسالة كهربا بل .. تكوي براها لو عايزين

تعال شوف ليك جِنِس تكييف

ونوم يا زول لحدي اتنين

بدل سودان .. نكون صفران .. نكون بويضان

ونبقى بويض ومرتاحين

والطب زاتو يتطّور .. نركّب للمريض قلبين

دكاكين حقّت اسبيرات .. كلاوي كِبَد أذين وبطين

دكاترة يجونا من برّة..دكاترة يجونا من لندن

عشان القحّة والتسنين!

علاج مجّاني ندفع ليك لو تمرض

منو البمرض! يقيسوا الدم ميّة وعشرين

والتعليم يكون ثورة .. تعم الناس ويفهموا زين

عشان ما يسامحوا زي أوّل

الياكل الناس باسم الدين

يجينا وزير كلامو كُتُر

يخت الخمسة في الإتنين

حندخل عاشرة وحداشر

قراية الجامعة بس سنتين

ينظّر زي فلان داكا ..محامي من أهل لينين

والبسقط ننجحوا لو وحيد أمّو .. عشان مسكين

ونلغي مدارس الوزرا..وينجحوا ناس خلف والزين

والقانون صريح واضح .. مصدّق لي كل زول بيرين

تعال شوف المشاكل عاد ..بيري وبيرك اتفتحوا

وياخ سلّفني طن بنزين

وعايز لي استخدام بتاع علماء فللك اتنين

وعالم ذَرّة متمكّن .. عشان ياخ ولدي ساقط دين

آدم موسى من دارفور

عاوز ليهو بيّاعين للتنباك .. عشان أصلي

يكونوا هنود وجامعيين

وواحد عندو كافتيريا .. خَلّى الحبشة والصومال

قال لبنان وسن عشرين

عاد بنّوتنا باراً جد..مع لبنان واستنطبول

بنات تلقى الشَعر مترين

وما غاليات عِرس الواحدة بي ألفين

ونتبوبر عاد جِنِس بوبار ..كلامنا يكون طرف نخرين

أكيد سوداننا بتطوّر

لو حاكمنا كل سارق ..وكل غدّار بس سنتين

أكيد بترولنا راح يطلع .. وبنسيّروا بالعديل والزين

بس البترول هو ما بنزين..هو الإيمان صحيح ما غِش

هو شرع الله ما تلوين

كيف بترولنا بس يطلع

بترولنا الدهب ..ماسات في المنجم

ومنجّمنا ياهو الدين

[أبو يوسف]

كلمات جميله تغلب عليها اللهجه السودانيه


تقبل مروري

[من مونتريال]

قصيده حلمنتيشيه فكاهيه اعجبتني كثيرا واحببت نقلها لكم ,,,,,

النت ده حاجه عجيبة خلاص
تعرفت فيها على بنت
راسلتها في الميل .. وبدى قلبي ليها يميل
غابت عني أيام وليالي .. دورت عليها في كل مكان
دورت عليها في (google )و(yahoo) وكتبت ياناس ياهو
حبيبي تايه وين ألقاهو؟ .. ولا حد رد عليا!
نصحوني ناس الخبرات .. قالو لي دور عليها في الشات ......


الشات ده مليان بنات من كل الألوان والجنسيات
دخلت الشات .. ودورت من بين القنوات
ما لقيت نكها من بين النكـــــات
كلمت لي زول من اليابان خبير في الكمبيوتر فنان
قلت ليهو هاو آر يو قال لي شنق ينق (فاين ثانكيو)
قلت ليهو أنا من السودان .. مشتاق لحبيبتي ولهان
و ده النك نيم ليها دلني عليهــا يا زول
أخد مني الزول النك وقعد يتكتك تك تك تك
لحد ما لقاها !..
قالي ( شونق يق يق يو ) تلاقيها في الآيسيكو
دخلت ليها في (الآيسيكيو)
ولقيت حبيبي اللي ضيعتو
و بكل لهفة وشوق كلمتو..
قالت لي : بدك شــو؟!
قلت ليها انتي البنت اللي أدور عليها من زمان
قالت لي : أنتا من أيا مكان ؟
قلت ليها أنا من السودان
وراسي مثل الرمــان
وكرشي شوي مليان
ولوني أفتح من الخنفسان
قالت لي : شو أفتح من الخنفسان !
مامعئوله هيك انسان !..
أنا بدي راجل فهمان أبظاي متل السوبر مان
ولونه أبيض فتحان .. مافي منو في البلدان
ولأني حلوه ومن لبنان
وبمشي متل الغزلان
وطرفي حلو ونعســـــــان
و وجي ينور متل الشمــــــع دان
ما بأبل أتجوز من السودان !
والا أفريقيا ولابلوشتنا!
بدي ويحد فتحان أبيض مثل الأسنان !
ممكن يكون من لبنان
وإلا من شرق أوروبا
والا حتى من كردستان
لأني حلوي وبيضه من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبـــــان
كره حياته وصار ندمــــان
ترك النت وهو غضبــــــان
وراح يدور على عروسة. سمرة
من كسلا و أم درمان

[اصابة الهدف]

قصيدة رائعة يابو منار

[عاشق الإبداع]

تقبل مروري وتقديري ....