حسن السهيمي
08-06-2007, 02:41 AM
اخواني الكرام
اصالة عن نفسي ونيابة عن اخي الشاعر / ابو فهد الاول ..
نهديكم هذه المحاورة التي جرت بيننا قبل ثلاثة أيام تقريباً ..
محاورة اقل مايقال عنها انها مجنونة ..
نرجو ان تنال رضاكم واستحسانكم جميعاً ..
تقبلوا تحياتنا ..
================
البدع / ابو فهد الاول
*
يالله يا من ينشي الغيث ويزيد الغيوم
دلنا في هرجة الصدق وصحيح العلوم
جعل كل ايامنا مثلك ياشهر الصيامي
الدعا والمغفرة نهج كل الالسنه
**
الرد / حسن السهيمي
*
الغ دور من الشهر والغ ساعه والغ يوم
قبل تجهيز الكتايب وتركيز العلوم
مانويت ابيع قحطان واشري نص يامي
والخطل ماعيني احاوره والاسنه
**
البدع / ابو فهد الاول
*
لاتبيع وتشتري وانت ما تقدر تسوم
تهت مابين القصور المنيفه والهدوم
واللي ماطال العنب قال حامض ياكرامي
ماعرف حكم المحرم ولا الجايز منه
**
الرد / حسن السهيمي
*
الصالح مالناس يظهر على وجهه وسوم
غير تهذيب العوارض وتقصير الهدوم
وانت ذا شكيت في مقصدي يا ابن الكرامي
لاتذمر من زمانك وهو جاي ازمنه
**
البدع / ابو فهد الاول
*
من يجالس صاحب الرشد مايلقى ليوم
تثبت الازمان لاهل المبادي والسلوم
نعرف الصالح بحب الاقارب والعمامي
ماهو في حب المشاهير واهل الدندنه
**
الرد / حسن السهيمي
*
ودي احاورك في كل ليل وكل يوم
وانا يوم احاورك مالقيت إلا السلوم
غير تقليد الرجال الغشاما والعمامي
مايناسب مثلكم يالشجيع الدندنه
=====================
البدع يتحول إلى السهيمي
**
البدع / حسن السهيمي
*
بو فهد شاعر موفق ونجم من النجوم
لو حضر في حفلة(ن) هايله سد اللزوم
يعرف المعنى ويحرص على حفظ النظامي
مايدوور لاصطياد الخطا والهيمنه
**
الرد / ابو فهد الاول
*
انت ونعم مثل سمحان ذا داس النجوم
طاوع الجمال والسوط في كفه لزوم
اسمنا عليان ذا في وجوده مانظامي
علموا جيل الحضارات ذا يلهي منه
**
البدع / حسن السهيمي
*
ما اسرعك عودت للدرب يالشيخ الهموم
هكذا طوع(ن) بلا مغربي وبلاش روم
وانا ما اعرف لعبة الضرب من تحت الحزامي
لكن اعرف كيف اجيب الذهب وآثمنه
**
الرد / ابو فهد الاول
*
ما اسرعك رديت مصباح يضوي وله موم
هكذا من دون جرح الكيابل والشروم
وانت لو بعت الذهب وإلا ذا صاغ الحزامي
خير من بعض المراتب تجي بالثامنه
**
البدع / حسن السهيمي
*
ياعلي من طاح وسط المهالك مايقوم
وانت فكرك تاه بين المدافع والهجوم
مبتدي والمبتدي لايعاب ولايلامي
كود يعرف لعبة الباصره والضومنه
**
الرد / ابو فهد الاول
*
انت مثل العاطش اللي شرب من ماي قوم
شايبن يشكي السنين العجايف وله جوم
فرق الشعار لان المفرق مايلامي
مثل بعض البندق اللي ترد الضو منه
=====================
يعود البدع إلى ابو فهد
**
البدع / ابو فهد الاول
*
من سكن في الخبت يشكي اللهايب والسموم
وان تهب عليهم الريح ماتشفي السقوم
مالهم غير الدعا بالمحبه والسلامي
من زمان الجوع حتى العصور الراهنه
**
الرد / حسن السهيمي
*
عندنا طب الوبا والوجايع والسموم
ونداوي العي واللي مثيلك راس قوم
وانت يوم تشوفني حق تبدا بالسلامي
لاتقل بغلط على صاحبي واراهنه
==================
ويعود السهيمي ليختم القارعة بالقصيدة التالية ..
البدع / حسن السهيمي
*
اترك الاحلام واصحى معي يا بالحلوم
ماتشوف السيل في دقلته طما عقوم
ان نظم الشعر ماهو كما نثر الكلامي
خل عنك الشعر واذا قدرت اييس منه
**
الرد/ ابو فهد الاول
*
ودي اعفو عنك يامن نشد حلم الحلوم
وانا ذا يحمي الطواريف من طماع قوم
واني استاذك وسيدك ولو جا منك لامي
لان نظم الشعر والقول من عندي اسمنه
**
اصالة عن نفسي ونيابة عن اخي الشاعر / ابو فهد الاول ..
نهديكم هذه المحاورة التي جرت بيننا قبل ثلاثة أيام تقريباً ..
محاورة اقل مايقال عنها انها مجنونة ..
نرجو ان تنال رضاكم واستحسانكم جميعاً ..
تقبلوا تحياتنا ..
================
البدع / ابو فهد الاول
*
يالله يا من ينشي الغيث ويزيد الغيوم
دلنا في هرجة الصدق وصحيح العلوم
جعل كل ايامنا مثلك ياشهر الصيامي
الدعا والمغفرة نهج كل الالسنه
**
الرد / حسن السهيمي
*
الغ دور من الشهر والغ ساعه والغ يوم
قبل تجهيز الكتايب وتركيز العلوم
مانويت ابيع قحطان واشري نص يامي
والخطل ماعيني احاوره والاسنه
**
البدع / ابو فهد الاول
*
لاتبيع وتشتري وانت ما تقدر تسوم
تهت مابين القصور المنيفه والهدوم
واللي ماطال العنب قال حامض ياكرامي
ماعرف حكم المحرم ولا الجايز منه
**
الرد / حسن السهيمي
*
الصالح مالناس يظهر على وجهه وسوم
غير تهذيب العوارض وتقصير الهدوم
وانت ذا شكيت في مقصدي يا ابن الكرامي
لاتذمر من زمانك وهو جاي ازمنه
**
البدع / ابو فهد الاول
*
من يجالس صاحب الرشد مايلقى ليوم
تثبت الازمان لاهل المبادي والسلوم
نعرف الصالح بحب الاقارب والعمامي
ماهو في حب المشاهير واهل الدندنه
**
الرد / حسن السهيمي
*
ودي احاورك في كل ليل وكل يوم
وانا يوم احاورك مالقيت إلا السلوم
غير تقليد الرجال الغشاما والعمامي
مايناسب مثلكم يالشجيع الدندنه
=====================
البدع يتحول إلى السهيمي
**
البدع / حسن السهيمي
*
بو فهد شاعر موفق ونجم من النجوم
لو حضر في حفلة(ن) هايله سد اللزوم
يعرف المعنى ويحرص على حفظ النظامي
مايدوور لاصطياد الخطا والهيمنه
**
الرد / ابو فهد الاول
*
انت ونعم مثل سمحان ذا داس النجوم
طاوع الجمال والسوط في كفه لزوم
اسمنا عليان ذا في وجوده مانظامي
علموا جيل الحضارات ذا يلهي منه
**
البدع / حسن السهيمي
*
ما اسرعك عودت للدرب يالشيخ الهموم
هكذا طوع(ن) بلا مغربي وبلاش روم
وانا ما اعرف لعبة الضرب من تحت الحزامي
لكن اعرف كيف اجيب الذهب وآثمنه
**
الرد / ابو فهد الاول
*
ما اسرعك رديت مصباح يضوي وله موم
هكذا من دون جرح الكيابل والشروم
وانت لو بعت الذهب وإلا ذا صاغ الحزامي
خير من بعض المراتب تجي بالثامنه
**
البدع / حسن السهيمي
*
ياعلي من طاح وسط المهالك مايقوم
وانت فكرك تاه بين المدافع والهجوم
مبتدي والمبتدي لايعاب ولايلامي
كود يعرف لعبة الباصره والضومنه
**
الرد / ابو فهد الاول
*
انت مثل العاطش اللي شرب من ماي قوم
شايبن يشكي السنين العجايف وله جوم
فرق الشعار لان المفرق مايلامي
مثل بعض البندق اللي ترد الضو منه
=====================
يعود البدع إلى ابو فهد
**
البدع / ابو فهد الاول
*
من سكن في الخبت يشكي اللهايب والسموم
وان تهب عليهم الريح ماتشفي السقوم
مالهم غير الدعا بالمحبه والسلامي
من زمان الجوع حتى العصور الراهنه
**
الرد / حسن السهيمي
*
عندنا طب الوبا والوجايع والسموم
ونداوي العي واللي مثيلك راس قوم
وانت يوم تشوفني حق تبدا بالسلامي
لاتقل بغلط على صاحبي واراهنه
==================
ويعود السهيمي ليختم القارعة بالقصيدة التالية ..
البدع / حسن السهيمي
*
اترك الاحلام واصحى معي يا بالحلوم
ماتشوف السيل في دقلته طما عقوم
ان نظم الشعر ماهو كما نثر الكلامي
خل عنك الشعر واذا قدرت اييس منه
**
الرد/ ابو فهد الاول
*
ودي اعفو عنك يامن نشد حلم الحلوم
وانا ذا يحمي الطواريف من طماع قوم
واني استاذك وسيدك ولو جا منك لامي
لان نظم الشعر والقول من عندي اسمنه
**